lunes, 18 de octubre de 2010

1ª Festa Plástico Elástico con HBPL

Este Xoves 21... Festa PLÁSTICO ELÁSTICO con
LOS CADAVERAS
LOS HIJOS BASTARDOS DE PETER LORRE
no Chachán Clube de Santiago



1ª Festa de Plástico Elástico
ORGANIZA: Plástico Elástico - Musical Underground Especializado
ACTÚAN: Los Cadáveras e Los Hijos Bastardos de Peter Lorre
LUGAR: Cachán Clube (Rúa dos Loureiros, 16 - Compostela)
DATA: Xoves 21 de Outubro de 2010. 
HORA: 21.30
PREZO ENTRADA: 5€

Los Cadáveras 
(Low-Fi Rock And Rol - Pontevedra)
Son un dúo de Rock composto por Manuel Santos e Israel Ruiz "Indy". O grupo nace en Pontevedra no 2008 como proxecto paralelo ao traballo que ambos realizan con Thee Tumbitas. Exercen coma teloneiros destes en gran cantidade de ocasións o que lles proporciona a posibilidade de darse a coñecer, ata que o ano pasado Alberto Lodeiros proponlles gravar o seu primeiro sinxelo para o seu selo El Beasto Recordings. Este traballo ainda non veu a luz pero é un dos traballos máis agardados da escudería de A Coruña, xa que os videoclips de cada unha das cancións que compoñerán este 7" xa se poden visualizar en youtube obtendo inmellorables críticas.
Ao longo destes dous anos de vida o grupo compartiu escenario con bandas coma Marky Ramone, The Fuzztones, The Morlocks, Lords Of Altamont, The Phantom Keys, Motociclón e os citados Thee Tumbitas entre outros, o que nos da unha idea do grao de excitación que poden chegar a provocar duas únicas persoas sobre un escenario.
Los Cadáveras xogan na división máis salvaxe do Rock, onde a alta fidelidade é unha aberración, o virtuosismo convértese nun pesadelo e o orixinario vólvese premisa. Maltratan o Rock para sacar del o seu lado máis perverso e divertido.
www.myspace.com/loscadaveras


Los Hijos Bastardos de Peter Lorre
(Rock And Roll Cavernícola - Portonovo)
Entre pocións, calaveras, conxuros e cunha actitude completamente tola, estes fans de Screaming Lord Such fórmanse en xuño do 2007 en Portonovo (Pontevedra), co obxetivo de espallar a semente do Rock And Roll por todo o mundo. Con dúas guitarras e unha batería (en realidade, só bombo e caixa), estes catro cavernícolas adícanse a destrozar clásicos do Rock And Roll, así coma outras perlas ocultas. Agora presentan tres temas propios e unha versión ("That Jim" de Mackey Beers & The Rockitts) nun elegante e.p. de 7" gravado nos estudios Circo Perrotti por Jorge Explosion e Mike Mariconda e editado por Freeky Dicky Records. Los Hijos Bastardos de Peter Lorre son: Michi "Calambres" Lorre (Voz, Pandeireta e harmónica), Lorre Lorre (Guitarra Soista), Sheriff Lorre (Guitarra Rítmica e Voces) e Howlin´ O-Lorre (Batería, Berros e Ouveos).

Plástico Elástico
facebook.com/plasticoelastico

No hay comentarios: