lunes, 31 de diciembre de 2012

Sorte para o 2013!!! ('The Classical')

Por fin remata o 2012, déixao ir!!! 
Desexámosvos moita sorte para o 2013 cun dos nosos temas preferidos, por suposto de Mark E.Smith... e xa sabedes, esta noite comezamos o ano dende pouco despois da medianoite!!!


THE FALL 'The Classical'
(Mark E. Smith, no álbum "Hex Enduction Hour" de 1982)

There is no culture is my brag,
Your taste for bullshit reveals a lust for a home of office
THIS IS THE HOME OF THE VAIN!
THIS IS THE HOME OF THE VAIN!
Where are the obligatory niggers?*
HEY THERE FUCKFACE!!
HEY THERE FUCKFACE!!
There are twelve people in the world
The rest are paste
THIS IS THE HOME OF THE VAIN!
THIS IS THE HOME OF THE VAIN!
I just left the Hotel Amnesia, I had to go there
Where it is I can't remember,
But now I can remember...now I can remember
HAFTA! HAFTA!
MESSAGE FOR YER! MESSAGE FOR YER!
Too much reliance on girl here
On girls here, behind every shell-actor
Snobbier Snobbier
Too much romantic here
I destroy romantics, actors,
Kill it!
Kill it!
KILL IT A !
KILL IT!
KILL IT A !
You won't find anything more ridiculous, than this new profile
razor unit, made with the highest British attention to the
wrong detail, become obsolete units surrounded by hail.
THE CLASSICAL!
THE CLASSICAL!
THE CLASSICAL!
HOTEL AGGRO!
MESSAGE FOR YER! MESSAGE FOR YER!
THE CLASSICAL!
POLEAXE A!..........one of the millenium of conspiracy,
Forever,
I know it means a lot of stomach gas,
I K N O W I T M E A N S A L O T O F S T O M A C H G A SSSSSS
I've never felt better in my life
I've never felt better in my life
POLEAXE A!
THE CLASSICAL!
Stomach gas
I've never felt better in my life
I've never felt better in my life
POLEAXE A!
Millenium of conspiracy
Play out Classical
I've never felt better in my life
Better in my life.... . . . . . . . . .


sábado, 29 de diciembre de 2012

Tóda-las sesións do 2012


Continuamos co repaso do 2012. Aquí tedes tóda-las sesións do ano, alomenos tóda-las que deixaron arquivos de descarga, que foron a maioría. Faltan algunhas de Kurco, algunhas da serie Black Grooves, varias Monkey Session e tamén a última do ano que adicamos ós 40 anos dos Nuggets, e supoño que haberá máis que non lembro agora... O resto están todas aqui, vinte cinco sesións para descargar, moitas delas dobres!!


Marinocha Vs. Jomitallas (7 xaneiro 2012)
Como marca a tradición, a primeira sesión do ano foi para Marinocha, acompañada na cabina por Jomitallas. 
Na mesma semana Marinocha enviounos esta estupenda selección de 15 temas máis bonus track. Logo cheou o affair megaupload e tivemos que recuperala días despois.
A primeira sesión do 2012 Entrada orixinal 


Singles2011 (Kurco vs Munstapha: 14 xaneiro 2012)
Outro bo costume é o de repasa-lo ano anterior. Unha vez máis Kurco e Munstapha fixeron a súa selección de álbumes, temas, etc e logo estiveron toda a noite destripando o mellor material do ano. Como recordatorio quedaron as seleccións feitas por cada un, tres de cada: tres de Kurco, tres de Munstaphá, unha delas adicada coma sempre ó GZ Canibal!! 
Os enlaces tamén tiveron que ser resubidos, así que atoparedes todos nesta entrada


Munstaphá: Jazzerz Session (27 xaneiro 2012)
Esta é un fragmento da sesión do pasado venres, unha hora de corrido, sen cortes, con algunhas das miñas pezas favoritas de jazz, moito bebop e jazzmodal, pero ahí atoparedes a Coltrane, Mingus, Miles Davis, Maceo Parker, Dizzy Gillespie, Archie Shepp, Woody Herman, Herbie Hancock, e por suposto o homenaxeado da noite, Thelonious Monk, no 30 aniversario da súa morte. 
Jazzerz Session.
[descarga]


Falsenite (3 febreiro 2012)
Unha nova entrega da nosa serie de covers, que comezou xa hai máis de 10 anos Xaco Domin, e que nos continuamos alomenos unha ou dúas veces ó ano. 

Nesta ocasión soaron dende cousas serias, ata versións delirantes e deformadas, remixes e moito tipo enmascarado... Houbo dúas pero só subimos esta...
Ver entrada.
[descarga]

Comomepos "P-Funk" (11 febreiro 2012)
Unha noite de febreiro apareceu a Mothership sobrevoando o Rif-Rock, ata aterrizar na mesma porta... 
e de alí baixou Comomepos cun maletín de discos repleto do álbumes do universo P-Funk, ese equipo de all-stars formado entorno ás formacións Parliament e Funkadelic, e tódo-los seus protexidos.
A selección espectacular!!

Live! Cutz por Munstaphà (24 febreiro 2012)
Xa nin numeramos as entregas que levamos feitas de temas en directo, pero normalmente son de concertos moito máis antigos. 
Desta vez por selo primeiro volume que subiamos ó blog foi con temas bastante máis recentes. 
Repetiuse moitas máis veces, pero non voltamos compartilas... algunha máis terá que caer proximamente.

Kim Jong Un... Of Course!! de Kurco SoundSystem 
(10 marzo 2012)
A obsesión norcoreana de Kurco non ten límites. Primeiro tentou influir no proceso sucesorio, logo entregouse a causa de Kim Jong Un, supoñemos que ben untado... meses despois logrou converter ó seu novo lider no home máis sexy do mundo...Un día destes faremos unha sesión RifRocKerZ no mesmo centro de Pionyang...

Pantherpower de Psych.Munstapha (16 marzo 2012)
Primeira das entregas do 2012 adicadas á música negra: Fuck'U Whiteys Black Grooves!!!
Tocaba irse inspirando no olimpismo e nada mellor que un dos seus maiores símbolos que a entrega de medallas de México'68. Todo un clásico para unha sesión de puro Pantherpower no que destripamos o recente recopilatorio Listn Whitey e moitas máis rarezas sacadas do caixón para a ocasión.

100% Pure Cacatone Sounds, Michi Cacatone 
(24 marzo 2012)
Poucas veces unha estrela do calibre de Mr.Cacatone se deixa ver polas cabinas de locais. E nós conseguímolo alomenos un par de veces ó ano. En marzo do 2012 ofreceunos un impresionante repaso por tódo-los paus do máis recente da súa colección, e ademáis despois deixounos tres volumes de recordo.
Impresionante!!!
[descarga vol1 - vol2 - vol3]


E a mediados de abril cambiamos o formato das sesións que subimos. Cumpríanse 50 anos dos cassettes e aproveitamos para involucionar. Dende entón todas se farían para pasar directamente a este formato...

Blaxploitation Soundtracks (20 abril 2012)
Esta entrega da serie Black Grooves está adicada ás mellores bandas sonoras dos nosos filmes favoritos do xénero.


Trash Trash Trash#1 (11 maio 2012)
A comezos de maio comezábamos a serie Trash Trash Trash. A primeira entrega rebosante de caos inspirado no Pink Flamingos de Divine e John Waters.

Psych de Comomepos e Munstaphà (26 maio 2012)
Unha sesión tremenda!!, con Comomepos e Munstapha compartindo cabina, e como nun bo cassette, unha selección por cada cara con garage, freakbeat e psychodelia fuzzeante.

Kraut [Deutsche Kosmische Musik#3] (8 xuño 2012)
Xa había tempo que non adicabamos unha noite ó Kraut xermano que tanto nos gusta. Desta vez coa maquina Enigma enriba da cabina para face-lo máis koskische e menos progresivo.

Trash Trash Trash#2 (15 xuño 2012)
Continuación da serie Trash Trash Trash, desta vez cos clásico lanzadores de coitelos, ben afiados. Outra sesión de lo-fi sen complexos, hardcore e moita cacharrada.

Fuck'U Whiteys... Black Grooves!! (22 xuño 2012)
Máis entregas da serie Black Grooves. A de comezos do verán foi sen dúbida unha das máis inspiradas e concorridas do ano. Moito funk karateka e jazz espacial, ademáis dos espontáneos... 

Marinocha de Malahostia (30 xullo 2012)
Sempre cambiando datas pero sempre cumprindo. Algunha vez tamén se pon de mala hostia, coma nesta ocasión, que adiantaba o programa do noso aniversario.

13º Aniversario Rif-Rock (xullo 2012)
O recopilatorio máis agardado de cada verán. Este ano fíxose esperar, pero o colocamos en xullo por que é cando lle correspondía. Edición en cd para os habituais e clientes ata que se agotaron, coma sempre voaron, e a edición online nunca é tan completa. 
Xa sabedes, estivérades alí...

Afrobeat A& Voodoo Rhythm Vol.3 (10 agosto 2012)
Por aclamación popular tivemos que adicar unha nova sesión ó afrobeat e os mellores rítmos africanos. Ademáis homenaxe ó 20 aniversario do pasamento de xigante Fela Kuti.

Monkey Session Vol.9 (11 outubro 2012)
Nesta ocasión non sacamos vellos discos cheos de pó nin nos adicamos a caras-b de rarezas, senón ás últimas novidades que chegaran ás nosas mans. Ademáis xa era hora de numeralas.
MonkeysSession#9
[descarga]

Soul Train (28 setembro 2012)
Esta era fácil. Unha noite para lembrar ó mítico programa Soul Train de Don Cornelius, cos temas que poñían en marcha o seu line dance. Na sesión subida obviamos as máis habituais...
Fuck'U Whiteys... Black Grooves! Soul Train
[descarga]

Blow Up! Mod & Swinging London (19 outubro 2012)
E esta aínda moito máis fácil. Da man do Blow Up de Antonioni, Mods e Swinging London, e por suposto tamén moito Herbie Hancock, que para eso fixo a soundtrack orixinal.
Blow Up!

Monkey Session Vol.10 (31 outubro 2012)
Esta Monkey Session foi sen dúbida a máis macarra de todas. Todo temas dos 50's e 60's, as máis suxas, crudas e cavernícolas coas que nos íamos topando aquela noite.

Fuck'U Whiteys... Black Grooves!! (23 novembro 2012)
O Truck Turner de Isaac Hayes foi o que nos guiou toda a noite para a última entrega das Black Grooves do ano. Case toda a noite con Blaxploitation a ritmo de pimpmobil

Trash Trash Trash#3 (7 decembro 2012)
O terceiro Trash Trash Trash foi a última sesión subida do ano. Pretendíamos que fose o máis mongoloide posible, pero finalmente quedou unha cousa moi seria... Non a perdades!!




jueves, 27 de diciembre de 2012

Mellores momentos do 2012...

Pois comezamos a resumi-lo 2012 cos mellores Momentos do Rif-Rock. Por cuestións obvias deixamos atrás algún acontecemento after-hour coma o salto olímpico sobre a barra de un ilustre membro dos Muerte por Cowbell, ou a vez que o pelotón da Liège-Bastogne-Liège cruzou o local dunha porta á outra en medio dun dulivio de agosto... Así que teredes que escoller entre estos dez momentos tremendos cal foi o mellor do ano:

The Cra$h Converters (5 de abril)
Agardamos ata a Semana Santa para ofrecervos o primeiro concerto da tempada. Os encargados foron The Cra$h Converters, e escollo este 'Gloria' de Patti Smith por que me lembra a aquel primeiro concerto do Rif no século pasado...



Muerte por Cowbell (5 de abril, bonus)
A mesma noite, os irreberentes Muerte por Cowbell fixéronse co control dos instrumentos antes de remata-la velada para interpreta-lo 'Cosmic Debris' de Zappa sen ningún tipo de preparación e para ameazarnos unha vez máis coa proximidade do seu concerto... (posiblemente a finais de xaneiro ou febreiro).



David Falcón (5 de maio)
Un mes despois David Falcón volveu ó Rif-Rock para presentarnos a súa nova demo, que ademáis tivemos a ocasión de editar para regalar a tódo-los asistentes. Para nós todo un pracer.



Breakin' Bones (19 de maio)
Levábamos un par de anos agardando a oportunidade para traer ós vigueses Breakin' Bones do noso amigo Iván, e por fín en maio foi posible. Concertazo da mellor banda de psychobilly da terra. Isto non se ve na nosa vila tódo-los días!! Impresionantes!!



The Walnut (14 de xullo)
A programación especial do noso 13º Aniversario comezaba en serio co concerto do dúo The Walnut, Jaime e Rubén remataron o seu show no máis alto tirando de éxitos da tv...



The Voorhees (27 de xullo)
A segunda entrega do noso 13º Aniversario foi para o power trio The Voorhees formado por Isidro, Piti e o mestre Karlos Abal, tres ilustres do local para pechar a programación especial do aniversario.



H(punto) para o 'Lonely Boy Project' (finais de xullo)
Isto non era exactamente un evento publico, pero coma si fora. Nalgún momento de finais de xullo, parte dos U-los Marinochas decidiron participar no Lonely Boy Project que promoveron The Black Keys. E ahí estivo H.Punto montando o seu show para asombro dos viandantes. Este foi o magnífico resultado.



4ª Festa do Bigote (5 de agosto)
Despois da dura semana das festas do Albariño, unha vez máis chegou o gran domingo da Festa do Bigote na súa 4ª edición. E como nas anteriores ocasións foi unha festaza por todo o alto. Este ano o insigne presidente do xurado OscarTK non puido asistir, delegando o seu papel na insuperable Marinocha!!!



David R.Valeiras (24 de agosto)
A finais de agosto tivemos o pracer de ofrecervos o directo do ourensano David R.Valeiras, en colaboración cos coristas zombies de Comomepos Produccións. Un éxito total!!!



La 4ª Pared (13 de outubro)
En outubro tivemos o último concerto do 2012. Gus ofreceunos un show como solista de La 4ªPared. Toda un alarde técnico para presentarnos os temas dos seus dous últimos traballos.



Esta é a nosa selección dos dez mellores momentos. Seguro que a algún se lle ocurrirán máis suxerencias, así que facédeas!!! Para votar só tedes que deixar un comentario nesta entrada ou através do facebook.
Pois iso, a escoller!!


Singles2012

Un vez máis comezamos co repaso do mellor deste anos que por fin remata, coma sempre comezaremos esta semana repasando concertos, sesións e outros momentos do Rif-Rock, e a próxima semana faremos os nosos rankings de mellores discos e todo iso... e para rematar, o Sábado 12 de Xaneiro adicaremos a noite completa na que Kurco e Munstaphá destriparán os mellores singles, álbumes e bandas do 2012!!! non o perdades!


miércoles, 26 de diciembre de 2012

Unha tregua de CTK

Hoxe mesmo chegou a nova de que Cambados(TK) fará un paréntese temporal na súa actividade. 
A que foi pioneira local na rede e que case oito anos despois segue a ser un referente na información do noso concello declara unha tregua na súa actividade por diversos motivos. Dános moita mágoa, pero o mesmo tempo desexámoslle a Óscar toda a sorte do mundo na súa nova etapa ben lonxe de nós, e agardando con expectación o retorno de CTK. Pero mellor que vexades vós mesmo o artigo completo:




martes, 25 de diciembre de 2012

La 4 Pared 'Acepto la Crítica'

O pasado domingo La 4 Pared nos presentaban o terceiro videoclip extraido do seu último traballo "L4p2012 Cuatro", titúlase 'Acepto la Crítica' e sona así:


sábado, 22 de diciembre de 2012

Nadal

Nestas semanas de Nadal, abrimos coma sempre de Venres a Sábado, e temén os Domingos no horario habitual. 
E por suposto por Noiteboa e Fin de Ano un pouco máis tarde...
Boas festas, e portádevos ben eh???


viernes, 21 de diciembre de 2012

Guided by Voices. Singles & EPs do 2012

Ademáis dos tres lps que Guided by Voices publicaron este ano, incluíde estes 6 singles. Acabamos de encargalos todos en Fire Records!!







miércoles, 19 de diciembre de 2012

Noonday Underground "Self Assembly"

Pouco ou ningún caso se lles prestou nunca ó dúo Noonday Underground, e iso que está formado por dous pesos pesados: Simon Dine como dj (membro dos escoceses Adventures in Stereo) e Daisy Martey (que foi a segunda cantante de Morcheeba). Xuntos publicaron cinco álbumes de puro soul do s.XXI, de factura electrónica i elegante coma poucos. Este é o seu primeiro álbum, que incluía aquel enorme 'London' que recordamos hoxe.

NOONDAY UNDERGROUND "Self Assembly"
(M21/Setanta, 2000)




"Le Beat Bespoké Volume 5" por Rob Bailey

Hoxe por fin me puiden facer coa última compilación de Rob Bailey para o colectivo New Untouchables que cada ano publican os seus volumes de Le Beat Bespoké como extensión do seu festival... xa me tardaba!!!




martes, 18 de diciembre de 2012

The Brian Jonestown Massacre "Aufheben"

Cando vai rematando o ano, unha das principais cousas que se fan (eu polo menos o fago cada ano) é a de repasar cantos discos quedaron atrás, sobre todo cando se trata dunha destas bandas de cabeceira como para min son os The Brian Jonestown Massacre, pero menos mal que Marinocha está en todo... Este "Aufheben" recurre ó concepto orixinal de Hegel, cecais para indicarnos unha volta ás súas orixes tra-lo anterior "Who killed sgt. Pepper?" do 2010 e os dous eps anteriores do 2009. En efecto este novo traballo o devolve a esa psicodelia acústica tan particular de Anton Newcombe, e por suposto con un par de arrebatos dos que tanto me gustan...

The Brian Jonestown Massacre "Aufheben"
(A Records, 2012)


facédevos con el en Pintó un disco.


lunes, 17 de diciembre de 2012

Yo La Tengo "Fade"

Hai uns días eliminaron do noso blog a entrada na que vos adiantábamos o novo álbum de Yo La Tengo "Fade" (que sairá en xaneiro) recuperamos este tema de adianto para lembrarvos que o 4 de marzo estarán en directo na Sala Capitol de Santiago, e as entradas xa están á venda...



domingo, 16 de diciembre de 2012

Escuchando Elefantes no 1º spot do Albariño

Se o pasado xoves vos recomendábamos o concerto de Escuchando Elefantes no Ultramarinos, onte presentouse en Cambados o primeiro dos spots publicitarios que realizou Juan Ramón Galiñanes, dunha serie de catro que leva por título O Viño que sabe a Festa, que promociona tanto a vila de Cambados como a propia Festa do Albariño. Nesta primeira entrega os protagonistas son precisamente o dúo Escuchando Elefantes, que ademáis estiveron na presentación e ofreceron un pequeno concerto. Aquí téde-lo video:

sesión sorpresa o venres...

estivérades alí... grande H(punto).


jueves, 13 de diciembre de 2012

The Jesse Hector Story: Gorilla Garage!



The Hammersmith Gorillas "Gorilla Got Me"

The Hammersmith Gorillas foron unha enorme banda británica de mediados dos 70 que coma outras moitas da mesma época pasaron desapercibidas entre o mainstream supervivinte da british invasion e a explosión punk que chearía despois. Pero entre ambos fenómenos houbo figuras tant relevantes coma Jesse Hector, un deses xenios precoces que dende a súa adolescencia estivo involucrado en bandas, formou The Rock'n'Roll Trio, logo pertenceu a The Clique e outras moitas ata finalmente crear The Crushed Butler en 1969, todo un avance ó seu tempo, unha das grandes referencias do que hoxe se considera proto-punk, pero de vida efímera. Sen embargo xa poñía as bases do que viría despois. O seu principal proxexto foron os impresionantes The Hammersmith Gorillas  entre 1974 e 1981, demasiado macarra para a new-wave e demasiado r'n'r para o punk. A banda rematou coa morte do baixista Alan Butler. Jesse Hector continuou con máis proxectos, coma Helter Skelter, The Gatecrashers ou The Jesse Hector Sound. Todo iso o podedes atopar no recopilatorio "Gorilla Garage, The Jesse Hector Story", pero hoxe imos centrarnos nos anos dos Hammersmith Gorillas, en 1999 Big Beat recopilou o seu único lp, os seus 7'', e engadindo bastantes inéditos todo compilado neste "Gorilla Got Me", incluíndo os grabados somentes como The Gorillas. Un xenio extravagante de grandes patillas que nunca será suficientemente recoñecido.

THE HAMMERSMITH GORILLAS "Gorilla Got Me"
(Big Beat, 1999)


faite con Gorilla Got Me en Sons of the Dolls.


Presentación de Eduardo Baamonde: "Cambados"

Dende Cambados(tk):

No Auditorio da Xuventude terá lugar a presentación do libro “Cambados” de Eduardo Baamonde. Baamonde é profesor pero ademais ten unhas dotes sobresaíntes para as artes, el mesmo confésase na súa web persoal un “amante do deseño gráfico e da pintura”. Entre as obras de Baamonde destacaría “Polo Salnés con Ramón Cabanillas” editado por CANDEA precisamente no 2009, ano adicado ao “poeta da raza”.
Neste “Cambados” editado por Faktoría K de Libros, o autor repasa a través das súas láminas o mellor da nosa vila. Pode ser un regalo excelente para calquera cambadés ou cambadesa, e especialmente para amigos doutros lugares para amosarlles dun xeito orixinal o noso Concello. Vén acompañado por un mapa co roteiro que o autor vai facendo graficamente pola vila. A presentación será este xoves 13 de Nadal a partires das 20 horas no auditorio. Organizan as librarías Contos e Cabanillas, onde podes atopar o libro se desexas adquirilo xa. Colaboran Concello de Cambados e Faktoría K, e presentará a Eduardo Baamonde un representante desta editorial: Chema Heras.

martes, 11 de diciembre de 2012

"Punk, an Aesthetic" de Johan Kugelberg e Jon Savage

Hoxe preséntovos un marabilloso volume sobre que saiu hai moi pouco tempo. Os autores son Johan Kugelberg e Jon Savage, este último de sobra coñecido como gran estudioso do fenómenos punk e demáis movimentos do undergound, dende creador de fanzines a mediados dos 70, xornalista musical e autor de importantes ensaios sobre punk e contracultura, ademáis de guionista e documentalista (o máis famoso é o "England's Dreaming", tamén a biografía oficial dos Kinks, ou o documental Joy Division). Por outra banda Johan Kugelberg é outro estudioso do mesmo calibre, máis centrado na imaxe ou no deseño, de feito foi este último quen comezou o proxecto editorial ó que se lle sumou Savage co seu ensaio como referente, e posteriormente incluíron tamén as colaboracións do escritor de referencia do cyberpunk William Gibson, e do polifacético Linder Sterlin. 

O resultado é un libro de gran formato no que expoñen como a arte do movimento punk revolucionou o deseño das formas e da estética ata os nosos días. Kugelberg recopila portadas, folletos e carteles de bandas punk, de cine e creadores independentes, de fanzines, e máis artistas relacionados, ademáis de moito material fotográfico da época, todo contextualizado polos textos de Savage e Gibson. Sen dúbida un tomo espectacular. 

Agora a ver canto tarda en chegar por aquí. Nós igual non  esperamos tanto...

Johan Kugelberg and Jon Savage "Punk. An Aesthetic"
(Rizzoli, 2012)




Sáb.5 xaneiro: Marinocha!!

Aínda faltan varias semanas para o 2013, pero xa temos data para a primeira sesión do ano, na que como xa ven sendo tradición será Marinocha a encargada de toma-lo control da cabina do Rif-Rock. 
Será o sábado 5 de xaneiro, na mesma noite de Reis.


lunes, 10 de diciembre de 2012

"Independientes", o documental

Dende hoxe mesmo xa está dispoñible ó publico un novo documental que pretende explica-lo fenómeno indie en España, dirixido por Jose A. Rueda. 
Así o presentan e ahí o tedes enteiro...

"Independientes" es una película documental que resume los veinte años de vida del movimiento indie en España. Conducida mediante las entrevistas a Julio Ruiz, Los Planetas, Sr. Chinarro, Nacho Vegas, Los Enemigos, Lagartija Nick, Maga y Lori Meyers, la historia narra el nacimiento y el desarrollo de la cultura musical independiente en España, desde el cambio generacional sufrido entre los últimos años ochenta y los primeros noventa hasta el día de hoy, en el que muchos grupos indies gozan de una fama y una popularidad impensables a principios de los noventa.

Independientes.
2012, ESP. Dir: Jose A. Rueda
(La Fabriquilla de Creación Audiovisual)
documental



Sáb.15: 40 anos de NUGGETS!

A semana pasada cumpríronse 40 anos da saída do lexendario "Nuggets: Original Artyfacts from the first Psychedelic Era" ó que xa lle adicamos un par de entradas [40 anos de Nuggets e As continuacións dos Nuggets]. 
Xa solo faltaba o máis sinxelo de todo, unha sesión de Nuggets...