viernes, 28 de junio de 2013

mañán: 100% pure Cacatone surf sounds!!

Mañán Sábado (29 de Xuño) volve á cabina do Rif-Rock un dos nosos gurús do underground e referente cultural donde os haxa: o asombroso Michi CACATONE que nos ofrecerá 100% Pure Cacatone Surf Sounds!! unha sesión refrescante para meternos no vrán de cabeza, queiramos ou non!! 
Non vo-lo perdades!!!


jueves, 27 de junio de 2013

Bass Drum of Death "Bass Drum of Death"

A volta de Bass Drum of Death!!! con título homónimo como exercicio de autoafirmación. O que comezara como proxecto one-man-band de John Barrett ampliado a dúo, sufreu cambio no posto de bateria, cambio de discográfica... (agora sae só Barrett fumando na portada) asuntos importantes dende o seu debut en largo (o seu "GB City" foi para este blog o mellor álbum do 2011), pero ahí sigue cumprindo coas expectativas, alomenos as nosas. 

"Bass Drum of Death" parécenos un discazo do mesmo calibre, ou seguro que aínda máis cando vaiamos acumulando escoitas, rápido, furioso e divertido, son once cañonazos sen pausa, de inspiración sixtie, de garage psych, toques surf, saturado de fuzz, e con bastante cacharrería, o mesmo que o anterior, con boas melodías e coas pausas xustas para non esgotar a fórmula. Xa tiñamos ganas de facernos con el dende que en abril publicaran o single de adianto 'Shattered me', e aínda que escoitedes unha e outra vez 'No Demons', 'Fine Lies' ou 'Way Out' por moitos medios, vos quedarán marabillas atrás coma a estremecedora 'Faces on the wind' ou o cañonazo inicial de 'I wanna be forgotten' con todo o que hai polo medio... Acaba de sair esta semana pero nós xa o temos coma un dos imprescincibles do ano.

BASS DRUM OF DEATH "Bass Drum of Death"
(Innovative Leisure, 2013)



'Ephemeral' novo videoclip de Undertown

Onte mesmo os Undertown colgaron na rede o seu primeiro videoclip oficial. O tema é 'Ephemeral' (que xa aparecera en demos anteriores) pertencente ó seu novo álbum "Shelter". Marcos Nine encárgase da dirección, producción e montaxe. O resultado é así de bo:



miércoles, 26 de junio de 2013

14º Aniversario do RIF-ROCK, o programa...

Xa temos todo listo!! aquí está o programa do
14º Aniversario do RIF-ROCK!!
Sábados 6 e 13 de xullo: dous concertos que non vos deberiades perder!


Sábado 6 de Xullo 2013:
THE MUDDY BEERS
en concerto dende as 23:30h.

O nome The Muddy Beers igual de primeiras non vos di nada, pero si vos digo que levades un par de anos preguntando por eles, igual xa pode ser non?. 
The Muddy Beers é o novo proxecto de membros dos desaparecidos Los Hijos Bastardos de Peter Lorre, e tamén The Allnight Workers, New Rippers e outras fricalladas efímeras como Los Pies Mojados, Los Macús ou Decolororos... Así igual xa vos parece que poden convertirse na vosa banda favorita non??? 
Sábado 6 de xullo, concerto en primicia de The Muddy Beers no Rif-Rock, a súa presentación ó mundo!! 


Sábado 13 de Xullo 2013:
LOS DIABLITOS
en concerto dende as 23:30h.

Los Diablitos son a mutación que cada ano sufre a banda da casa. O noso power trío de RifRocKerZ con Incomodo, o mestre Karlos Abal e Piti dirixen o seu enxendro deste ano ó ye-yé dos 60's... así que o Sábado 13 de xullo mellor que veñades vestidos para a ocasión e preparados para o baile!! 


E que pasa coas sesións? este ano o faremos máis espontáneo, tódo-los habituais da nosa cabina se irán turnando neses días cando lles veña en gana para poñer todo o que lles pete, sen programa nin nada.

Así que ahí o tedes. Para nós ten unha pintaza estupenda, e por suposto é un pracer poder contar con xente coma esta!.
Dous días para celebrar como se merece un ano máis de Rif-Rock, e xa van 14!!!
Vai ser tremendo. Non vo-lo perdades!!


martes, 25 de junio de 2013

The Mono Men "10 Cool Ones"

Esta semana repetimos con The Mono Men! pero co seu disco máis mitómano, que foi o que triunfou na nosa cabina o pasado fin de semana. Trátase de "10 Cool Ones", un álbum de versións de temas de clásicos coma MC5, 13th Floor Elevators ou Link Wray, e máis próximos a eles coma os Wipers ou The Dead Boys, e así ata 10 temas revisados na clave máis suxa. 
Como din no libreto: shut up and have fun!!.

THE MONO MEN "10 Cool Ones"
(Scat Records, 1996)


escoita 10CoolOnes en Twilight Zone.


[Revival Rif-Rock] Kurco na prensa seria...

Xa había tempo que non sacabamos material coa etiqueta Revival Rif-Rock, pero rebuscando un pouco polos caixóns sempre atopamos xoias que merecen ser recuperadas. Desta vez tiramos dun recorte de prensa.

Aquí tedes ó noso querido Kurco, entrevistado no Faro de Vigo, era o 5 de xaneiro de 2007, de cando a prensa aínda era seria, aínda que sempre lles costou escribir Rif-Rock correctamente.
Para ver o recorte ben ampliado e ler a entrevista picade aquí.



viernes, 21 de junio de 2013

en xullo... 14º Aniversario do RIF-ROCK!!

Seguro que xa o sabedes, pero vo-lo recordaremos igual...
O RIF-ROCK cumpre en Xullo 14 anos!!, si, catorce!! e xa temos case todo preparado para celebralo. A próxima semana todo o programa...


jueves, 20 de junio de 2013

David Falcón en directo na praza Alfredo Brañas.

Mañán Venres (21 de xuño) celébrase o día Internacional da Música. Para celebralo o Concello de Cambados tiña anunciado un concerto na praza de Alfredo Brañas, dos pontevedreses Black Stones xunto coas bandas locais Stand By e Noite Fechada. Finalmente mantense o cabeza de cartel, mentres que as dúas bandas de casa non aceptaron as condicións (supoñemos que era tocar e punto, sen máis... de favor) e finalmente será DAVID FALCÓN quen abra o escenario, acompañado unha vez máis por Rubén Iglesias ó piano, para ofrecernos os seus temas. Polo menos haberá música en directo na praza, pero esto montado sinxelamente coas tres formacións cambesas sería un éxito total de público, moito máis barato pagando a todos, e todo o mundo contento. Sería así de fácil.

Aproveitamos para recomendarvos que descarguedes a demo promocional que lle editamos no Rif-Rock a David Falcón en maio do ano pasado (ir á entrada orixinal) con seis temas que seguro que soarán mañán.





miércoles, 19 de junio de 2013

The Mono Men "Wrecker!"

O álbum desta semana vai ser outras desas fantásticas gangas que nos atopamos rebuscando nas tendas de vinilos.
The Mono Men son unha das nosas bandas de referencia, do estado de Washington, e herdeiros directos do revival garaxeiro dos 80 decidíronse pola vía máis suxa e bruta, con The Sonics (e demáis bandas de garage e proto-punk da zona) e MC5 como cabeceira. Chegaron a aparecer naquel documental "Hype!" que tentaba retratar ó grunge de Seattle e arredores, sen moito criterio para definir á escena, pero sen dúbida polo que pasará a historia a banda é pola creación de Dave Crider do selo Estrus Records, no que por suposto editou a tóda-las bandas de veciños que lle deu a gana e non atopaban oco en ningures, e ahí atopamos a The Mummies, The Makers, Satan's Pilgrims ou os Southern Culture on the Skids... case nada!!!

Este "Wrecked!" de 1992 é o seu segundo lp, no que está condensado o mellor do seu son. Dende a bestial 'Watch Outside' que abre o álbum rapasan tódo-los paus garage, punk, psych... e así ata máis dunha ducia de lps e eps (menos no último...). Despois da reunión do 2006 que se chamou Spanish Attacks! para tocar exclusivamente na súa vila (Bellingham) e cinco datas en España, volven neste 2013... a ver se nos colle cerca!!

THE MONO MEN "Wrecker!"
(Estrus Recs., 1992)


escoita Wrecker! no blog TwilightZone!.


martes, 18 de junio de 2013

unha pista sobre o 14º Aniversario...

Como sabemos que hai moita xente impaciente nestas datas e sabemos que queredes pistas do que estamos argallando para o 14º Aniversario do Rif-Rock, ahí vai unha: deberiades empezar a repasa-los espectáculos do noso grupo favorito, pero non, non serán eles... a pensar!!!



lunes, 17 de junio de 2013

Guided by Voices, singles 2013

Aquí tedes  o seis 7'' que publicaron polo momento Guided by Voices neste 2013 correspondentes ó "English Little League". Son "Glue on Bicycle", "Flunky Minnows", "Islands (She talks in Rainbows)", "Noble Insect", "Trash Can full of Nails" e "Xeno Pariah". Igual aínda publican algún máis, pero xa estamos agardando polo seguinte álbum que nos prometeron para finais deste ano...







sábado, 15 de junio de 2013

descarga Black Grooves!!

Xa hai tres meses que nos vos deixabamos unha selección para descargar da nosa serie de sesións Black Grooves!! cambiándoas por outro material audiovisual que tiveran que ver cos carteis. Así que xa era hora de voltar á música. 
Aquí tedes, unha hora de Black Grooves! da sesión de onte mesmo...

Psych.Munstaphà "Fuck'U Whiteys... Black Grooves!!" (NSFSeries Vol.14)"
(sesión Rif-Rock 14 xuño 2013)



jueves, 13 de junio de 2013

Docteur Legume et Les Surfwerks "Four Tales of Chemistry"

Co cambio de data da sesión de Michi Cacatone que ía ser este sábado (lembrade que finalmente será o Sábado 29 de xuño), e que algúns estabades agardando, aproveitamos para recompensarvos na espera, e vos deixamos unha boa recomendación de surf recén saída dun deses auténticos xenios do DIY. 
A finais do 2011 xa vos recomendamos neste blog que seguirades atentamente ó italiano Massimiliano Bocchio e o seu último enxendro de surf Docteur Legume et Les Surfwerks (ver entrada cos dous primeiros eps). Agora chega o seu novo ep "Four Tales of Chemistry" no que volve a inspirarse nos spaghetti western, no cine expresionista, na ciencia ficción e terror de serie b a base de guitarras twang e moito reverb... e non vos perdades as fantásticas montaxes dos clips!!


DOCTEUR LEGUME et LES SURFWERKS "Four Tales of Chemistry"
(Massimiliano Bocchio/Dr.Legume, 2013)
podedes descargar Four Tales of Chemistry aquí.




miércoles, 12 de junio de 2013

Radioactive Toy, o concerto.

O sábado pasado volveu a música en directo ó Rif-Rock. Os protagonistas foron RADIOACTIVE TOY, unha nova banda que xa levaba uns cantos meses traballando nos seus propios temas, e por fin esta semana coemzaron a rodar en directo. Un pracer para nós botarlles unha man.
Alberto, Jesús e David ofrecéronnos oito temas propios de alto voltaxe e dúas versións instrumentais coa colaboración do baterista Alberto Chaves, o que tamén lle temos que agradecer que nos prestara parte do equipo para facelo posible. Na grabación atoparedes só sete dos temas de Radioactive Toy, falta 'Land of the Wolves' que nos deu uns cantos problemas coa edición e finalmente descartamos.  

Xa nos prometen máis concertos para xullo e agosto, así que seguídeos no seu facebook e no seu blog (http://radtoy.wordpress.com/) para enterarvos das novas datas e dos novos temas que suban.

Xa están tódo-los videos subidos nas anteriores entradas (parte 1 e parte 2) ou tamén aquí todo seguido RADIOACTIVE TOY (Rif-Rock 8 xuño 2013) nunha lista de reproducción. 


Radioactive Toy (concerto pt.1)


Radioactive Toy (concerto pt.2)


Carlos Blanco no Continental (10 de xullo)


martes, 11 de junio de 2013

en xullo... 14º Aniversario do RIF-ROCK!!

E así coma se nada, xa pasou outro ano máis dende aquel 2 de xullo do 1999... 
e o próximo mes o RIF-ROCK cumprirá 14 anos!! Catorce!!!! de xeito que coma sempre xa estamos argallando unhas cantas cousas para celebralo como se merece. Xa vos iremos informando.


lunes, 10 de junio de 2013

cambio de data: Michi Cacatone o 29 de xuño

Cambio de data para a visita de Michi Cacatone deste mes. 
Xa non será o Sábado 15, senón o Sábado 29 de Xuño cando volva á cabina do Rif-Rock un dos nosos gurús do underground e referente cultural donde os haxa, o asombroso Michi CACATONE que nos ofrecerá unha refrescante sesión de 100% Pure Cacatone Surf Sounds!! desafiando á climatoloxía para meternos no vrán de cabeza, queiramos ou non!! 
Non vo-lo perdades!!!


este venres Fuck'U Whiteys... Black Grooves!!


domingo, 9 de junio de 2013

Radioactive Toy

Aquí tedes ós Radioactive Toy ó completo tra-lo concerto de onte. 
Moitas grazas ós tres, fantástico, e por suposto grazas a todos por vir!!
Nos próximos días iremos subindo uns cantos videos a ver como quedan...


sábado, 8 de junio de 2013

esta noite RADIOACTIVE TOY en directo!!

Xa non vos avisamos máis... 
esta noite RADIOATIVE TOY en directo no Rif-Rock, dende as 23:30h. máis ou menos, e a entrada de balde coma sempre. Non vo-los perdades!!


jueves, 6 de junio de 2013

The Bevis Frond "White Numbers"

Xa sabedes que The Bevis Frond é unha das miñas debilidades, o enxendro de Nick Saloman é unha desas bandas que sigo con paixón e sempre me pregunto, co fácil que parece, como non hai máis xente que faga cousas coma esta. En decembro do 2011 vos presentábamos tamén o seu anterior traballo "The Leaving of London" que remataba con 7 anos de silencio dende aquel espectacular "Hit Squad". Comentábamos que cecáis se facía maior, que reducía o seu ritmo de publicacións, e que seguía a ser brillante a pesares de deixar atrás as tempestades furiosas e os aceleróns ós que noutros tempos nos tiña acostumados... 
Pois ben, agora está de volta con "White Numbers" algo así como a vinganza dos Bevis Frond, por que volve coma un dos seus vellso traballos e ademáis ó grande. Só con ver esa portada cutre, enxebre e coma se estivera feita a toda presa, sabes que o mellor Nick Saloman está de volta. "White Numbers" son 24 temas que suman máis de 2 horas de de tódo-los seus rexitros posibles, dende pop luminoso, furiosos cañonazos acelerados, distorsión, power pop e sempre con esa cadencia de psychodelia sixtie e as súas melodías perfectas. Só coa inicial 'Begone' e a súa forza pecha tóda-las bocas dos que botábamos de menos os seus temas de outros tempos, e dende ahí de todo o que poidades imaxinar, temas breves e directos ou longos desenrolos ata a despedida coa mastodóntica 'Homemade Traditional Electric Jam' de nada máis e nada menos que 42 minutos de instrumental!!
O atoparedes en dobre cd ou nun inmenso triple vinilo. 
Un dos maiores xenios da psychodelia e do rock do último cuarto de século nun estado de forma incrible, ademáis un dos nosos imprescindibles!!

THE BEVIS FROND "White Numbers"
(Woronzow, 2013)




30 anos de Munster Records "¡La Fiesta es para todos!"

Recomendación de disco moito máis fácil de conseguir... o cd que acompaña á Rockdelux deste mes de xuño (RDL 318) é o recopilatorio "La Fiesta es para todos!" que conmemora os 30 anos de Munster Records, reunindo 19 temas de tóda-las súas etiquetas (Munster, Vampisoul, Vinilissimo e Electro Harmonix) cunha divertida selección na que mesturan vellos temas de bandas sixties como Los Mockers, Tino Contreras ou Eugene Church, o revival dos Lyres, moito do caixón da new-wave-post-punk como Diseño Corbusier, Els Masturbadors Mongòlics ou Las Chinas, e tamén da  máis absoluta actualidade, como Akron ou Danny and The Nightmares, pero sobre todo o tema de Jonathan Richman 'La Fiesta es para todos!' que da título á selección. Recomendado, e o atoparedes en tódo-los quioscos.



miércoles, 5 de junio de 2013

Radioactive Toy + The Free Riders

E outra recomendación para mañán, desta vez si estades en Santiago.
Estrea mundial dos RADIOACTIVE TOY, será na Sala Moon dende as 22:00h., acompañados pola banda The Free Riders, todo por só 3€!!

E lembrade que o Sábado (8 de xuño) teredes unha nova ocasión para velos en directo, no Rif-Rock, dende as 23:30h. con entrada de balde, coma sempre.
E si podedes, repetide!!



Stand By en concerto

Recomendación para a noite de mañan si estades por Cambados. 
Os locales da praza das Rodas (en todos lados están a decir que é na praza da Leña, pero supoñemos que será na praza das Rodas, que non é o mesmo) dan o pistoletazo de saída do vrán con música en directo. Os protagonistas serán os nosos amigos de STAND BY, cos dedos cruzados para que o tempo o permita. Lembrade: xoves 6 de xuño dende as 21:30h.


E si nada cambiou, dentro de dúas semanas tamén os podedes ver en directo na praza de Alfredo Brañas, no que se chama Festival Jurassic Rock, para celebra-lo Día Internacional da Música. Será o Venres 21 de xuño coa participación de Stand By, Noite Fechada e Black Stones.

Tom Waits & Anton Corbijn "Waits/Corbijn 77-11"

Ahí vai unha recomendación de auténtico luxo. Tom Waits e Anton Corbijn publican este enorme volume co mellor do material gráfico elaborado entre ambos dende que se encontraron en 1977. Este "Waits/Corbijn '77-'11" inclúe máis de 200 retratos de Tom Waits tomados por Corbijn, algúns realizados para os seus álbumes e moito material inédito. Ademáis inclúe un apartado de fotos caseiras ou máis informais tomadas polo propio Waits e a súa compañeira Kathleen Brennan. Para sumarlle máis lustre apuntade que o prólogo corre a cargo de Jim Jarmusch.
Un total de 226 fotografías, en gran formato (o volume é de 272 páxinas de 25,5 x 36 cm) e polo momento nunha tirada limitada de 6.600 exemplares. Sae á venda o próximo sábado, e xa o podedes encargar na web (Waits-Corbijn,TheBook) por 148€. Así que xa o sabedes, nos encantaría recibir un regalo coma este calqueira destos días...

Tom Waits e Anton Corbijn "Waits/Corbijn '77-'11"
(Schirmer/Mosel, 2013)





martes, 4 de junio de 2013

Undertown "Shelter"

Despois de varios adiantos, aquí temos unha parte do novo traballo de Undertown, seis temas do seu novo álbum que se titulará "Shelter", e mentres agardamos por máis información sobre a súa edición física, xa os podedes escoitar e mercar dende o seu bandcamp.

UNDERTOWN "Shelter"
(KSF, 2013)



lunes, 3 de junio de 2013

RADIOACTIVE TOY en concerto este sábado

Este Sábado volve a música en directo ó Rif-Rock!!


Nos últimos meses xa vos temos falado de RADIOACTIVE TOY, banda da que forma parte o noso amigo David Falcón, cando vos presentábamos os seus primeiros temas, e agora, por fin chega o momento de que comecen a presentalos en directo.

Radioactive Toy formáronse no 2012, e son David Falcón (guitarras e voz), Alberto Lamas (baixo) e Jesús Caramés (batería). Podedes seguilos no seu blog:http://radtoy.wordpress.com/ e tamén no facebook.
Eles mesmos se presentan así: 
Radioactive Toy é un proxecto de autodescubrimento. É unha forma de expresar o que nos alegra, entristece, motiva ou frustra. É un intento de crear unha nova forma de facer música. É a busca da nosa propia identidade musical nun mundo cortado sempre polo mesmo patrón.

Lembrade, no Rif-Rock poderedes velos o este Sábado:
RADIOACTIVE TOY en concerto!!
 Sábado 8 de Xuño dende as 23:30h. (entrada de balde).

E si estades o xoves por Compostela tamén os podedes ver en directo na Sala Moon, 
xunto con The Free Riders, dende as 22:00h. por 3€.