sábado, 31 de diciembre de 2016

FIN DE ANO: JALEO & CUATRO FOTOS!!

FELIZ ANO A TODOS!!
Que o 2017 sexa aínda mellor do que desexedes!!


E si queredes, esta noite no Rif-Rock: JALEO & CUATRO FOTOS
Non atoparedes un plan mellor para comeza-lo ano. 
Apertura ás 00:30h. Sesión e fotos dende as 02:30h.


Nadal Soul 2016: os agradecementos

Rematou o Nadal Soul 2016, e o RIF-ROCK e o CONTINENTAL queremos amosar a nosa satisfacción por esta nova edición, e o agradecemento a tódolos participantes, colaboradores e público que o fixéchedes posible durante estas tres semanas.
En primeiro lugar a COBESA,  empresa colaboradora, a través das súas marcas Super Bock e Summum, por implicarse por terceiro ano consecutivo con esta historia.
Por suposto ás bandas e picadiscos que o fixeron posible: os LITTLE JUICE e BLACK ICE TWICE, e ós encargados de tóda-las sesións: Chief Bromden, Munstaphá, Professeur B.B. e Michi Calambres. Unha chea de persoal que foron os que realmente montaron toda esta festa. 
E tamén os compoñentes das bandas que coa premura das datas tivemos que deixar para outra ocasión, gracias pola vosa comprensión.
E o máis importante, gracias a todo o público que unha noite tras doutra abarrotáchedes os dous locais nestas noites de programación.
Gracias a todos!! O próximo ano máis Nadal Soul!


viernes, 30 de diciembre de 2016

Nadal Soul: Black Ice Twice, Chief Bromden & Michi Calambres

Esta noite poñemos fin a outra edición do Nadal Soul, cun programa ben completo nos dous locais:

Venres 30 decembro:
· No CONTINENTAL estarán BLACK ICE TWICE en directo, e despois outra sesión criolla do Chief Bromden (leva días ameazando con moito boogaloo).
Todo dende amedianoite e coa colaboración de Cobesa, con promocións especiais de Super Bock e Gin Summum.

· No RIF-ROCK, ao remate do concerto do Continental, teremos na cabina ó noso gurú Michi Calambres, para o mellor fin de festa posible deste Nadal Soul!

Non vo-lo perdades!


jueves, 29 de diciembre de 2016

Breakin' Bones "Maldita Sea"

E antes de rematar o ano... novo traballo dos Breakin' Bones!!
"Maldita Sea" son oito novos temas gravados en The Dub Yard con Javier Vicente. 
A ver se os temos pronto...


Moonrite "Moonrite"

E outra recomendación máis.
Os dúo francés Moonrite son os irmáns Yann e Julien Cracker (dos Towerbrown), alucinados coa psychodelia máis escura dos 60's, dende Arthur Brown, os primeiros Deep Purple ou os mellores Iron Butterfly, e din que inspirados polos filmes de Jess Franco neste traballo. Este álbum homónimo é o seu debut para Sound Flat Records, e contén dende a psychodelia máis ortodoxa en 'Time is fast running out', 'Festa Candelarum' ou 'Me', a vertente máis beat 60s en 'The Same old Show' ou 'Caught in a Trap', ou a máis folkie de 'The Giant Wood Man'. 
Unha desas rarezas marabillosas.

MOONRITE "Moonrite"
(SoundFlat Records, 2016)



Teenage Fanclub "Here"

Imos cun par de álbumes dos que levamos meses repasando e queremos recomendar antes de que remate o ano.
En setembro volveron os Teenage Fanclub. "Here" é o seu décimo álbum de estudio en case 30 anos de carreira dos escoceses, e despois dos anteriores ("Man-Made" do 2005, e "Shadows" dos 2010) dábame moita pereza poñerme con outra decepción máis. Pero desta vez volveron ao son que lles convertiron en iconos do pop dos 90s, deixando os anteriores intentos de actualizarse. 'I'm in Love', 'Thin Air', 'Hold On' ou 'The Darkest Part of the Night' son catro bos exemplos dese pop melancólico e perezoso doutra época, con melodías casa perfectas, ou 'The First Sight' e 'Live in the Moment' con un pouco máis de nervio. Un pracer telos de volta.

.
TEENAGE FANCLUB "Here"
(Merge / PeMa, 2016)



miércoles, 28 de diciembre de 2016

DEAD WOOD na sesión vermú de Noiteboa

O do sábado foi impresionante.
Era a primeira sesión vermú da historia do Rif-Rock. Sesión matinal, sábado e Noiteboa, todo montado para a presentación de Ulomanía Coop. e os DEAD WOOD co seu primeiro single, "Spirit Away b/w CBA Blues" (ULO-001), coa propia banda en directo, e unha chea de colaboradores que quixeron aportar o seu apoio para montar unha festa como a ocasión o merecía. Non se presenta un disco de debut tódo-los días...

Apareceu a familia Dead Wood case ao completo, incluído Javi Sueiro, mestre da zanfoña, e Brais Ramos. Só nos faltou Breo Gun por razóns laborais. O concerto centrouse nos seus propios temas, algúns novos incluídos coma 'Weirdo Cabaret', 'Old Stone Bridge', 'Boneyard' ou 'Brother in Law', e por suposto co protagonismo dos temas que presentaban no 7''. Remataron con tres versións, incluída a colaboración sorpresa dos Family Folks que tampouco que quixeron perder a festa dos seus amigos, e ademáis Rubén Suárez é o responsable do deseño do disco, tiña que estar ali. 
Unha hora e pouco de concerto, pinchos, vinilos, moita cervexa e o todo o persoal entregado coa banda, e con moitos nenos bailando para darlle outro aire á primeira vez que abríamos á luz do día nos nosos case 18 anos vida.

Un día irrepetible que non sería posible sen toda a xente que se involucrou nesta historia, e aos que temos que darlle as gracias un vez máis: Real Conservera Española, Albariño 12 Cuncas e o proxecto Enoturismo Rías Baixas. De parte do Rif-Rock e de Ulomanía, moitísimas gracias a Iñigo e Marcos por apuntarvos a esto en tan pouco tempo, a Isi por todas esas horas de traballo extra (espectacular!!), e a Xaco por poñelo en marcha e coordina-lo todo (o vermú era o de menos!! eso xa queda para a historia do local...). E gracias a todos por reventar o Rif-Rock nesa sesión matinal (ata esgotar existencias) e mercar moitos exemplares por adiantado. E por tódo-los días desta fin de semana de Nadal. E aos que fixéchedes triplete moito máis!! 

Xa tedes subido o concerto comleto na nosa canle de youtube, e nas anteriores entradas (pt1 - pt2 - pt3 - pt4) e aquí todo seguido en lista de reprodución:


Dead Wood, presentación 7'', parte 1


Dead Wood, presentación 7'', parte 2


Dead Wood, presentación 7'', parte 3


Dead Wood, presentación 7'', parte 4


martes, 27 de diciembre de 2016

Dead Wood & Family Folks

Unha foto de José Estévez do sábado. Cos Family Folks participando da festa dos Dead Wood na sesión matinal de presentación do seu primeiro single...
Mañán xa teredes o concerto completo.


Carrie Fisher

Carrie Fisher // Princesa Leia
(1956 - 2016)



lunes, 26 de diciembre de 2016

Little Juice no Nadal Soul


O pasado venres comezamos coas datas importantes desta edición do Nadal Soul!!. Os encargados de poñer a música en directo foron LITTLE JUICE, e xa tiñamos gañas de que volveran ao Rif-Rock.
Levaban ano e medio sen visitarnos e vaia se valeu a pena esperar. Encantáronnos, ademáis de moitas versións, quédome cos seus propios temas: 'Fear the World', 'Orc Blues', 'Trust', 'Trapped Soul', 'Skin over Skin (Black Clouds)' e 'I was that girl'. Precioso por momentos e intenso cando facía falla. O show perfecto para o primeiro día, e volveran seguro!! 

Logo foi o turno do Professeu B.B. na cabina, funk e rhythm'n'blues para comezar brasa da boa ata o peche, para unha noite estupenda!! 
E este próximo fin de semana maís, cos Black Ice Twice en directo no Continental, e a sesión do Chief Bromden ao remate; e ademáis o enorme Michi Calambres na cabina do Rif-Rock. Non vo-lo perdades!!

Xa tedes todo subido na nosa canle de youtube e nas entradas anteriores (e con moito barullo de fondo): pt1 - pt2 - pt3 - pt4, ou todo seguido en lista de reprodución:



Little Juice, concerto pt.1


Little Juice, concerto pt.2


Little Juice, concerto pt.3


Little Juice, concerto pt.4


FIN DE ANO 2016: Jaleo & Cuatro Fotos!!

E esta semana despediremos o ano por todo o alto.
Festa de FIN DE ANO: JALEO & CUATRO FOTOS!!. 
Non atoparedes un plan mellor.


domingo, 25 de diciembre de 2016

Fin de semana de Nadal...

Impresionante fin de semana de Nadal!!
O venres co directo dos LITTLE JUICE e a sesión de Bruno Professeur B.B. no Nadal Soul, e o sábado de sesión vermú con Ulomanía Coop. e os DEAD WOOD presentando en directo o seu novo single, e coa participación sorpresa dos Family Folks nos bises.
Dúas historias que non serían posibles sen todo-los colaboradores: Toño e Beni de Cobesa patrocinando o Nadal Soul en todas e cada unha das edicións; e o sábado coa colaboración estelar de Real Conservera Española, Albariño 12 Cuncas e o proxecto Enoturismo Rías Baixas. 
Moitas gracias Iñigo e Marcos por apuntarvos a esto en tan pouco tempo, a Isi por todas esas horas de traballo extra, e a Xaco por poñelo en marcha e coordina-lo todo (o vermú era o de menos!! eso xa queda para a historia do local...)
E gracias a todos por reventar o Rif-Rock nestes días, e aos que fixéchedes triplete moito máis!! 

*fotos de Javi, Miguel e Jose Estévez





sábado, 24 de diciembre de 2016

Noiteboa: Sesión Vermú con DEAD WOOD

Hoxe, día de Noiteboa, faremos a primeira SESIÓN VERMÚ do Rif-Rock.
A ocasión ben o merece, con Ulomanía Coop. e os DEAD WOOD presentando en directo o seu flamante single "Spirit Away b/w CBA Blues". 

Música en directo, pinchos & vinilos dende as 12:30h do mediodía. 
E todo coa colaboración especial da Real Conservera Española, Albariño 12 Cuncas, e o proxecto Enoturismo Rías Baixas.
Se estades levantados, non vo-lo perdades!!!

*E pola note xa estaremos de novo de volta despois dunha boa cea...


viernes, 23 de diciembre de 2016

Nadal Soul: LITTLE JUICE en directo + Professeur BB

Esta noite comeza o importante no Nadal Soul!
Venres 23, LITTLE JUICE en directo no Rif-Rock! e despois do concerto, sesión do Professeur B.B. Todo dende as 23:45h e coa colaboración de Cobesa, con promocións especiais de Super Bock e Gin Summum
Non vo-lo perdades!
E a próxima semana máis, consulta o programa completo aquí.


Bó Nadal RifRocKerZ!!

Bo Nadal a todos!!!
Que pasedes unhas boas festas na mellor compañía!


E ademáis, se queredes e vos deixan, no Rif-Rock temos un fin de semana ben completo de actividades:
Esta noite (Venres 23) teremos a LITTLE JUICE en directo, dende as 23:45h., e despois do concerto sesión do Professeur B.B., noutra cita do Nadal Soul.
O sábado 24, día de Noiteboa, abrimos pola mañán, as 12:30h. en sesión vermú, cos DEAD WOOD en directo, presentando o seu primeiro single, coa xente de Ulomanía Coop. e moitos colaboradores máis.
E xa pola noite, coma sempre, estaremos de volta despois dunha boa cea.
Un fin de semana tremendo!!


jueves, 22 de diciembre de 2016

Rolling Stones "Five by Five EP"

Imos cunha xoia de outra época. "Five by Five" foi o segundo EP dos Rolling Stones, lanzado en agosto do 64, despois do lanzamento da versión estadounidense do seu primeiro álbum. 
Coma o seu nome indica son cinco temas feitos por cinco músicos. 
No 7'' inclúense tres versións de rhythm'n'blues: 'If You Need Me' de  Wilson Pickett, 'Confessin' the Blues' de Walter Brown, e 'Around and Around' de Chuck Berry, ademáis de dous temas propios, 'Empty Heart' e '2120 South Michigan Avenue', firmadas por Nanker Phelge, que era o pseudónimo que empregaban Jagger e Richards para os temas que compoñían conxuntamente.
O mes pasado atopeime cunha copia da reedición que fixeron polo Record Store Day do 2013. Un menos que me falta na colección.

THE ROLLING STONES "Five by Five"
(Decca, 1964)



Melange "Melange"

O máis seguro é que este ano tampouco fagamos lista de álbumes estatais, así que non podíamos remata-lo ano sen recomendarvos un dos que máis me gustaron deste 2016.
Melange son unha banda de Madrid, formadas por exmembros dos fantásticos Lüger e Los Imposibles. Deixáronme alucinado no WOS en setembro, e o seu álbum de debut outro tanto do mesmo.
Son 15 temas, un traballo moi ambicioso, no que atopamos de todo, rock psychodélico, folk, space-rock, elementos de progresivo, o mellor do sixtie anglosaxón e ata ye-yé ao máis puro estilo ibérico... 
Lanzaron "Melange" nun lp dobre autoproducido, cunha tirada de só 500 copias, por suposto, esgotadísimo, pero podedes pasarvos polo seu bandcamp
Poñédeo enteiro e deixádevos ir. Discazo!!

MELANGE "Melange"
(Discos Tere / Melange, 2016)



Ultrafans de Pantera e Iribarne

Ultrafans de Pantera e Iribarne!
A mellor camiseta e o mellor 7'' do ano. 


miércoles, 21 de diciembre de 2016

Sáb.24: DEAD WOOD en Sesión Vermú por Noiteboa!

ACTUALIZADO: 
Aquí tedes o cartel definitivo da sesión vermú deste sábado!!

Sábado 24 de decembro, día de Noiteboa, faremos a primeira SESIÓN VERMÚ da historia do Rif-Rock.
A ocasión ben o merece, con Ulomanía Coop. e os DEAD WOOD presentando en directo o seu flamante single "Spirit Away b/w CBA Blues". 
Música en directo, pinchos & vinilos dende as 12:30h do mediodía. 
E todo coa colaboración especial da Real Conservera Española, Albariño 12 Cuncas, e o proxecto Enoturismo Rías Baixas.
Se estades levantados, non vo-lo perdades!!!


Real Conservera Española na Sesión Vermú

Os de Real Conservera Española, foron os primeiros en apuntarse, case sen pensalo, en colaborar coa sesión vermú deste sábado.
Gracias Íñigo!!
Se queredes coñecer máis, podedes atopalos na rede:
Toda a info na súa web realconservera.com.
E tamén podedes seguilos no seu facebook.



Albariño 12 Cuncas na Sesión Vermú

Os de Albariño 12 CUNCAS non queren perderse a nosa Sesión Vermú deste sábado 24, e colaborarán dun xeito especial coa organización.
Moitas gracias Marcos!!
Se queredes coñecer máis, podedes atopalos na rede:
Visitade a súa web 12Cuncas.com
E tamén podedes seguilos no seu facebook.



Enoturismo Rías Baixas na Sesión Vermú

Presentámovos aos colaboradores na Sesión Vermú deste sábado:
O máis importante de todos, o proxecto Enoturismo Rías Baixas
Os que máis están a traballar nestes días previos...
Moi pronto o atoparedes na rede.

Little Juice no 2015

Este fin de semana comezan as datas interesantes do Nadal Soul 2016.
No Rif-Rock teremos aos LITTLE JUICE, que volven en directo logo dun parón obrigado. A súa anterior visita foi en xullo do 2015, durante a programación especial polo noso 16º Aniversario. Escollían o noso local para debutar en directo... e vaia se triunfaron! Pezas de blues e soul, de antes e de agora, pero sobre todo encantaronnos os seus temas propios (daquela presentáronnos 'Fear the World', 'Orc Blues', 'Trust' e 'Trapped Soul'). Agora volven con moito máis material e moito máis rodados co seu freak soul.

Será este Venres 23 de decembro dende as 23:45h.
Non vo-lo perdades!!

Mentres podedes repasa-lo seu concerto do ano pasado.


martes, 20 de diciembre de 2016

programación decembro2016 (2ª parte)

ACTUALIZAMOS A PROGRAMACIÓN. 
Aquí tedes todo o que aínda queda neste mes no Rif-Rock para a recta final do ano, concertos, sesión vermú, sesións, fotomatón... Non se pode pedir máis!

· Venres 23 dec: 
LITTLE JUICE en directo 23:50h.
+ sesión do Professeur B.B. 
(#NadalSoul)

· Sábado 24 dec: 
DEAD WOOD en directo 12:30h. Sesión Vermú.
presentando o seu novo single "Spirit Away" (Ulomanía Coop.)

· Venres 30 dec: 
Michi Calambres
*ao remate do concerto no Continental
(#NadalSoul)

· Sábado 31 dec: 
Festaza de FIN DE ANO: 
JALEO & CUATRO FOTOS!!
*(apertura 00:30h. Sesión e fotos dende 02:30h.)

Dúas semanas ben completas.
Non vo-lo perdades!!


Dead Wood "Spirit Away b/w CBA Blues"

Aquí tedes a primeira referencia de Ulomanía Coop.!

*reproducimos comunicado oficial:
Aquí tedes a primeira referencia de Ulomanía Coop.!
O 7'' de debut dos Dead Wood "Spirit Away b/w C.B.A. Blues". 
Nunha edición limitada de 250 copias.
Gravado nos estudios KSF da Illa de Arousa coa produción de Victor Karallada, e ilustración e deseños de Rubén Suárez. Fantástico por dentro e por fora!!
A saída oficial será en xaneiro do 2017, pero nestas semanas de festas non podíamos deixar a oportunidade de presentalo como se merece, e que moitos de vós xa o poñades a xirar nas vosas casas!! Atentos as datas nos próximos días...


E por suposto, os AGRADECEMENTOS:
En primeiro lugar a toda a familia Dead Wood / Los Wavy Gravies por confiar en Ulomanía Coop. para lanzar o seu debut e deixalo todo nas nosas máns; a Victor Karallada polo duro traballo cos temas e poñer orde en todo aquelo; a Rubén Suárez Sousa por ese currazo de portada e a súa paciencia infinita; a Paco Charlín e a Free Code por darnos o pulo definitivo; á Imprenta Fidalgo polo seu acabado perfecto; a Javi Rivas polo traballo exterior, a Juan Moldes polos consellos no inicio... e a tódo-los que colaboraron nestes meses en cada paso desta historia, opinando, apoiando, levando e traendo materiais, ata o empaquetado final... Antia, Michí, Javi, H. (o dono da 'U').. Gracias a todos. Agora, que xire!!! 
U.Coop.

Sáb.24: Dead Wood en sesión vermú

ÚLTIMA HORA: Este sábado 24, día de Noiteboa, teremos a primeira sesión vermú da historia do Rif Rock!! 
A ocasión ben o merece, con Ulomanía Coop e os Dead Wood presentando en directo o seu flamante single "Spirit Away b/w CBA Blues". 
Música en directo, pinchos & vinilos dende as 12:30h do mediodía. 
E todo coa colaboración especial da Real Conservera Española e do proxecto Enoturismo Rías Baixas. Se estades levantados, non vo-lo perdades!!!


lunes, 19 de diciembre de 2016

esta semana Nadal Soul!!

Esta semana comeza o importante no Nadal Soul!
O Venres 23, LITTLE JUICE en directo no Rif-Rock! e despois do concerto, sesión do Professeur B.B. Todo dende as 23:45h e coa colaboración de Cobesa, con promocións especiais de Super Bock e Gin Summum
Non vo-lo perdades!

viernes, 16 de diciembre de 2016

Comeza o Nadal Soul no Rif-Rock!

As principais citas deste NADAL SOUL serán os venres 23 e o 30 cos concertos de Little Juice e Black Ice Twice, pero no Rif-Rock xa comezamos esta fin de semana cun par de sesións para ir quentando:
O venres unha nova entrega da serie Fuck'U Whiteys Black Grooves!, e o sábado non vos perdades a primeira sesión do CHIEF BROMDEN nesta edición.


jueves, 15 de diciembre de 2016

Sorie Kondi "The Freetown Tapes 2006-2016"

Sorie Kondi é un músico cego de Freetown (Serra Leoa). Abandonou o seu país natal cara os USA a finais dos 90s, e ali coincidiu co dj e productor Chief Boima (tamén orixinario de SL), xuntos publicaron cinco álbumes baixo o nome de The Kondi Band. Coa base da música tradicional do seu país, pero habitualmente con instrumentos electrificados e engadindo elementos de blues, r'n'b ou funk. Este ano lanzaron o EP "Belle Wahallah", e a comezos do ano próximo lanzan o seu seguinte traballo, e como presentación a un público máis amplo, dende Strut Records lanzan esta sesión mesturada por Chief Boima, titulada "The Freetown Tapes 2006-2016" sobre unha selección de 16 temas dos seus traballos anteriores. Máis que interesante.
Podedes descargala de balde no seu bandcamp.

SORIE KONDI "The Freetown Tapes 2006-2016"
(Strut Records, 2016)



Bonfire Nights "Entopica Phenomica"

Un dos grandes discos deste últimos meses é o debut dos Bonfire Nights.
Son unha banda australiana asentada en Londres, e neste "Entopica Phenomica" entregan nove temas de rock psychodélico, ácido, denso, con tódo-los clichés dos xénero ensamblados á perfección. Showgaze, kraut, melodías impecables e ritmos machacóns que se repiten duns temas a outros, dende a presentación con 'Easy Touch', os toques orientais de 'Low', a explosión de 'Ego death', ou o rhythm'n'blues álucinado de 'Bo Diddley did me'. Recomendado.

BONFIRE NIGHTS "Entopica Phenomica"
(Holy Beatnik Records, 2016)



miércoles, 14 de diciembre de 2016

FIN DE ANO 2016: Jaleo & Cuatro Fotos!!

Aínda queda moita celebración por diante, pero xa podemos anunciarvos a festaza que vos temos preparada para FIN DE ANO: JALEO & CUATRO FOTOS!! 
Un pack irresistible, Non atoparedes un plan mellor!


lunes, 12 de diciembre de 2016

domingo, 11 de diciembre de 2016

viernes, 9 de diciembre de 2016

NADAL SOUL 2016! O programa completo

Aquí tedes o programa completo desta terceira edición do NADAL SOUL que organizamos entre o Café CONTINENTAL e o RIF-ROCK neste Nadal 2016.
Unha programación conxunta nos dous locais entre os días 16 e 30 de decembro, este ano con só dous concertos a causa das datas dispoñibles, con LITTLE JUICE e os BLACK ICE TWICE, e cinco sesións adicadas á música negra a cargo do Professeur B.B., Chief Bromden, Munstaphà e Michi Calambres. Todo repartido en tres semanas. 
Ademáis, igual que nas pasadas edicións, coa participación de COBESA a quenes agradecemos de novo a súa colaboración, a través das marcas SUPER BOCK e GIN SUMMUM, con precios especiais dos seus productos durante as noites de concerto. 
E todo con entrada de balde. Non vo-lo perdades!!


Aquí tedes todo ordenado por días. 
*Os horarios dos concertos son en torno á media noite como se indica no cartel, e as sesións nos dous locais comezarán sempre despois dos concertos:

Venres 16 dec.
RIF-ROCK: sesión Fuck'U Whiteys... Black Grooves (Munstaphà).
Sábado 17 dec.
RIF-ROCK: sesión Chief Bromden.
Venres 23 dec.
RIF-ROCK: LITTLE JUICE en directo + sesión Professeur B.B.
Venres 30 dec.
CONTINENTAL: BLACK ICE TWICE en directo + sesión Chief Bromden.
RIF-ROCK: sesión Michi Calambres.

---> as bandas:
LITTLE JUICE.
Xa os coñeceredes pola súa presentación no Rif-Rock no noso aniversario do 2015. Tras un parón obrigado volven con máis gañas, e para quedarse. Son un quinteto formado por Irene Ríos (voz), Javier Feijoo (guitarra), Julio Abal (teclados), Sandra López (batería) e o habitual do noso escenario Isidro Dozo ó baixo. Amantes do blues, soul e rock clásico, foron derivando estilísticamente e integrando ritmos e melodías pop, mesturando temas propios e versións con un formato soft, que se adaptado á perfección ás características do local. 
Seguídeos no seu facebook.

BLACK ICE TWICE.
The Manchester/Galicia connection!
Black Ice Twice son Adam Twice e Paul Black. Preséntanse coma un proxecto de dúas persoas non moi equilibradas, que se creen músicos, e queren difundi-los seus "tiki-takus" co resto do mundo, e de paso con algunha civilización extraterrestre cercana. Disco, Pop e Funk. Teredes que pasarvos polo Continental para velos en acción.
Seguídeos no seu facebook.

---> os picadiscos:
Ademáis dos concertos, unha boa selección de música para tódo-los días, con sesións especiais. O primeiro fin de semana no Rif-Rock coa entrega mensual do da serie Fuck'U Whiteys... Black Grooves! con Munstaphá na cabina; o sábado 17 tamén no Rif-Rock será o turno do Chief Bromden, que fará dobrete tamén no Continental o venres 30 coas súas sesións criollas de funk,soul e blues; o venres 23, despois do concerto do Rif-Rock será o turno do Professeur B.B. co seu maletín chego de soul, funk e moito ye-yé francés, e por último Michi Calambres, será o encargado de poñer o fin de festa no Rif-Rock o sábado 30. 

Un programa ben completo, non atoparedes un plan mellor para este mes!!
Xa vo-lo iremos lembrando cada semana!

programación decembro2016

Aquí tedes a programación completa do Rif-Rock para este mes de decembro, incluíndo as actividades do Nadal Soul:

· Sábado 10 dec: BIMBA POP!
· Venres 16 dec: Fuck'U Whiteys... Black Grooves!
· Sábado 17 dec: CHIEF BROMDEN
· Venres 23 dec: LITTLE JUICE en directo 23:50h.
                        + sesión do PROFESSEUR B.B.
· Venres 30 dec: MICHI CALAMBRES
· Sábado 31 dec: Festaza de FIN DE ANO: JALEO & CUATRO FOTOS!!

Un programa ben completo.
Non vo-lo perdades!!


jueves, 8 de diciembre de 2016

Neil Young "Peace Trail"

Novo disco de Neil Young! 
Despois de varios lanzamentos xunto cos Promise of the Real como banda de acompañamento (tanto no estudio coma nos últimos directos que lanzou este ano), agora volve cun formato moito máis sinxelo.
"Peace Trail" foi gravado en só catro días coa producción de Rick Rubin, xunto cos músicos de sesión Jim Keltner á batería e Paul Bushnell no baixo, Young por suposto na guitarra e voz. Son dez temas acústicos, en pequeno formato, que soan a auténtica gloria, de feito algunha desas pezas podería ser un tema moitísimo maís grande con outro plantexamento, pero así é Neil Young, lanza os que seguramente sexan os seus mellores temas nos últimos anos e o fai deixándoos literalmente a medias, ou esa é a sensación. O álbum segue co tono de denuncia habitual dos últimos anos: 'Indian Givers', 'Show Me', 'Texas Rangers', 'Terrorist Suicide Hang Gliders', 'Glass Accident', ou 'My New Robot', ademáis os temas do propio Sendeiro de Paz, ou a fantástica 'Can't Stop Working'. 
Blues e rock acústico delicioso. Mañan sae en todo o mundo.

NEIL YOUNG "Peace Trail"
(Reprise Records, 2016)



Chris Joss "Escape Unlikely"

O francés Chris Joss está a convertirse nos últimos anos nun dos maiores referentes do acid jazz europeo a pesar da súa xuventude. Habitual en bandas sonoras de cine e series de tv da última década, e nos últimos tempos con maior frecuencia. Este "Escape Unlikely" é o seu noveno traballo en lp, ademáis de unha ducia de singles e infinidade de remixes para outros artistas.
Son 12 temas de acid-jazz, con algunha pausa de downtempo, pero na súa maioría con tendencia ao funk máis rítmico. Para escoitar de tirón e imaxinarse unha peli de acción.

CHRIS JOSS "Escape Unlikely"
(Teraphonic Records, 2016)




miércoles, 7 de diciembre de 2016

Sun Ra "Singles. The Definitive 45s collection Vol.1: 1952-61"

Nova recopilación do extraterrestre SUN RA, que nos chega dende Strut Records, que parecen empeñados en que non quede nada sen reeditar da súa desproporcionada carreira de jazz intergaláctico.
Preséntase en varios formatos diferentes ao gusto de todo tipo de coleccionistas. O 25 de novembro lanzáronse dúas edicións diferentes en vinilo, que reúnen os seus singles entre 1952 e 1961: "Singles. The definitive 45s collection Vol.1: 1952-61". A primeira e máis exclusiva é un box set con 10x7'' a 45rpm, réplicas dos singles orixinais, auténticas rarezas con 20 cortes en total, do que só se lanzaron 500 unidades e parece que xa está esgotado. Ademáis un triple vinilo con 35 temas en total. Ahí atoparedes os seus delirios espaciais con tóda-las formacións da época: Sun Ra, Le Sun Ra & His Arkistra, The Qualities, Yochanan, The Space Age, The Cosmic Rays e Sun Ra & His Astro Infinity Arkestra. O volumen 2 destas edición sairán xa en marzo do 2017 comprendendo o período 1962-1991.
Pero se non queredes agardar, xa lanzaron a edición completa en tres cds, un volumen único que comprende dende 1952 ata 1991.
En tódo-lo formatos, e a gusto de todos!.

SUN RA "Singles. The definitive 45s collection Vol.1: 1952-61"
(Strut Records, 2016)



lunes, 5 de diciembre de 2016

Purple Weekend 2016

Un ano máis a recomendación obrigada por estas datas. 
O Purple Weekend de León, esta semana do 7 ao 10 de decembro, con James Hunter, The Woggles, Mark & The Spies ou os Mystic Braves.
Toda a info, entradas e demáis na web do Purple Weekend.


viernes, 2 de diciembre de 2016

Primeiros títulos de Catro Ventos Editora

En outubro presentábamosvos a Editora Catro Ventos, un proxecto tan comprometido coma necesario.
Dende este mesmo fin de semana xa podedes facervos no Rif-Rock coas súas primeiras edicións. Os títulos dispoñobles son Transición Ecolóxica, traducción ao galego da obra colectiva de Aurore Lalucq, Philippe Frémeaux e Wojtek Kalinowski; e A Ruta dos Refuxiados, un volume de producción propia que amosa o traballo de cinco fotoxornalistas galegos que amosa unha visión da ruta moi diferenta á ofrecida polas canles oficiais.
Seguídeos no seu facebook, e na súa web Catroventos.gal.


The Rolling Stones "Blue and Lonesome"

Nunca me interesaron nen o máis mínimo ningún dos lanzanmentos dos Rolling Stones que me tocaron vivir, de feito abúrrenme bastante tódo-los seus discos dende os 70s en diante (exactamente dende que meteron o logotipo da lingua, agás o "Exile on Main Street"), pero cada vez doulle máis voltas aos seus discos e 7'' dos 60s. Por eso o anuncio do novo álbum de volta as súas orixes levantoume a curiosidade.
Hoxe mesmo sae este "Blue and Lonesome". Richard xa advertira hai meses que ía ter moito Chicago blues, e así é. Son doce versións de blues, práctimente como facían nos seus primeiros traballos cando tiñan só 20 anos, e aquí está o seu tributo a Willie Dixon, Howlin' Wolf, Memphis Slim, Magic Sam ou Eddie Taylor. Todo gravado a comezos de ano nos British Grove Studios (propiedade de Mark Knoffler) e coa colaboración de Eric Clapton en dous temas.
Quedou atrás a pureza do 64 e o seu descaro. Os temas igual pedían un tempo diferente, e incluso menos elaboración, que parece que non pero teñen moita. E aínda así será o álbum dos Rolling dos últimos 40 anos que maís veces escoite en moito tempo. Logo está o tema das portadas horribles, pero xa hai moitos anos que non teñen solución.

THE ROLLING STONES "Blue and Lonesome"
(Polydor, 2016)