sábado, 18 de noviembre de 2017

Malcolm Young

Malcolm Young 
AC/DC
(1953 - 2017)



Outono Festival 2017: The Suffers


Esta noite será a última entrega desta edición do Outono Códax Festival 2017.
Para o fin de festa, os protagonistas serán os italianos Sugar Daddy & The Cereal Killers e o seu elegante e potente rnb, e a banda de soul The Suffers, que nos encantan!! Sala Capitol dende as 20:30h. Recomendado!!


jueves, 16 de noviembre de 2017

Living Colour 'Elvis is Dead'

'Elvis is Dead', autor Vernon Reid.
Living Colour, álbum "Time's Up" 
(Sony/ATV, 1990)


King Gizzard & The Lizard Wizard "Polygondwanaland"

Os King Gizzard seguen co seu ritmo frenético de puclicacións. Para este 2017 prometeron cinco novos álbumes. Aquí sempre vo-los recomendamos todos, aínda que algún sexa un pouco máis duro de escoitar. De feito o anterior "Sketches from Brunswick East" (terceiro desta serie) que din, está inspirado no "Sketches from Spain" de Miles Davis, aínda non tivemos ocasión de comentalo no blog. Pois case sen tempo para asimilalo xa está aqui a cuarta entrega deste ano, e podemos decir que, definitivamente, tolearon estes australianos.
"Polygondwanaland" sae mañan, totalmente gratis na súa web, para que todo o mundo faga con el o que queira, dispoñible en formato mp3 ou wav e, isto é o mellor, comparten tamén os masters para facer tiradas tanto en cd coma en vinilo e difundilas ao mundo. E iso sí, se o pasas a cassette somentes piden creatividade... son uns putos cracks!! Por eso sempre están entre os mellores.
Dispoñible na súa web e no seu bandcamp dende o 17 nov ás 9 AM hora australiana, así que a primeiras horas desta madrugada xa podedes facervos con el e ir buscando fábrica de vinilos para planchar copias para tódo-los colegas.

KING GIZZARD & THE LIZARD WIZARD "Polygondwanaland"
(Flightless Records, 2017)



miércoles, 15 de noviembre de 2017

Ramones "Rocket to Russia"

40 anos do "Rocket to Russia" dos Ramones!!
Foi o terceiro álbum de estudio da banda, e outra das súas obras mestras no seu desbordante inicio con tres discos en poucos meses. Ahí estaban 'Rockaway Bech', 'Here Today, Gone Tomorrow', 'I don't Care', 'Sheena is a Punk Rocker', 'We're a Happy Family', 'Teenage Lobotomy' e as versións do 'Surfin' Bird' dos Trashmen, e do 'Do you wanna dance?' de Bobby Freeman, tomada vía Beach Boys. Punk, surf, e unha producción esquisita, Seguramente o seu álbum máis divertido. Un imprescindible en calqueira colección.

RAMONES "Rocket to Russia"
(Sire Records, 1977)



martes, 14 de noviembre de 2017

Kings of the Beach 'Goats'

Máis clips de presentación.
A semana pasada os Kings of the Beach presentaban o videoclip de 'Goats', o tema principal do seu novo 7'' que teremos dispoñible deste esta mesma semana. A estrea foi o venres pasado no Tentaciones de El País.
E dentro de pouco, álbum completo...


lunes, 13 de noviembre de 2017

Travesti Afgano 'Brillet'

Os Travesti Afgano presentaron hoxe mesmo novo videoclip na web Show Down Underzine. Trátase do tema 'Brillet', que abre o seu último álbum "Nos Vale Madre". O video conta coa dirección e montaxe de Sara Iglesias.
Aquí tedes o resultado...


viernes, 10 de noviembre de 2017

Goat "Fuzzed in Europe"

Máis novidades en pequeno formato. Outro EP que vos recomendamos, o novo dos Goat, un ep con seis temas gravados en directo, aínda que é un lanzamento que chega entre rumores de liquidación da banda. 
"Fuzzed in Europe" conten temas recollidos en directo nos últimos meses da súa xira do ano pasado. Inclúen 'Talk to God' e 'Gathering Of Ancient Tribes' do "Comune", 'I Sing in Silence' e 'The Sun the Moon' do "Requiem", o single 'Time for Fun' e para rematar 'Run to your Mama' do seu primeiro álbum, en interpretacións escollidas pola propia banda por consideralas diferentes ás habituais. Ademáis todo empaquetado cos deseños de Adam Pobiak.
Sen dúbida unha das bandas máis orixinais dos últimos tempos. 
A min nunca deixan de sorprenderme.

GOAT "Fuzzed in Europe"
(Rocket Recordings, 2017)



jueves, 9 de noviembre de 2017

The Limiñanas "Istanbul is Sleepy EP"

Imos cun par de recomendacións antes da fin de semana.
De primeiro o novo Ep dos Limiñanas, unhas das nosas debilidades dos últimos anos. Con esa mestura de psychodelia, yeyé e puro naïf, os de Perpignan volven en pequeno formato con bastantes cambios logo de varias colaboracións con Pascal Comelade. "Istanbul Is Sleepy" é un ep de catro temas que sae a próxima semana, e sirve de adianto do seu novo LP para o que teremos que agardar a comezos do ano próximo. Continúan as colaboracións, de auténtico luxo, e iso nótase nos temas. Comeza coa propia 'Istanbul is Sleepy', coa colaboración de Anton Newcombe dos Brian Jonestown Massacre, que pon a voz e as guitarras, e iso ten que notarse: garage psychodélico e ritmo motorik con texturas moi densas, e din que inspirado nos The Cult do período Rain (do álbum "Love" de 1985), e presentado cun videoclip estupendo dirixido por Jean Luc Moly. Nas seguintes se nota a forte influencia dos BJM, 'Nuit Fantome' co positivismo habitual do seu repertorio, e 'Shadow People' coa colaboriación vocal da actriz Emmanuelle Seigner. De despedida 'Angels and Devils' que nos devolve a esas texturas máis habituais dos Limiñanas, pero con máis melodías e aínda máis pop. Cambios sutís que poden adiantar algo mói grande para o próximo álbum. Mentres tanto, este ep é unha marabilla.

THE LIMIÑANAS "Istanbul Is Sleepy"
(Because Music, 2017)



martes, 7 de noviembre de 2017

NUNES, o concerto tributo aos AIRAS

A estas alturas pouco máis queda por dicir do concerto do sábado, moitos comentarios nas redes, o detalle da prensa, e o recordo dun intenso día que se prolongou dende a sesión vermú ata a noite. 
Tan só volver a agradecer a ese equipazo de dez persoas que formaron os NUNES, por todo o curro destas últimas semanas para ofrecernos ese homenaxe tan bonito, por escoller ao Rif-Rock para facelo, e por suposto tamén aos demáis implicados para que fose unha sorpresa ata o último momento. 
E a todos, unha vez máis, por participar e amosarlle a Kevi, Carlos e demáis membros da familia AIRAS todo ese cariño: Sito, Vie, Eladio e Alberto (que estaba nos dous bandos), esperamos que vos gustara tanto como a nós.

Os membros da banda:
David Falcón: guitarra e voces
Quique Barreiro: voces e guitarra
Rubén Arenaz: voz
Alberto Ríal: contrabaixo
Noa Castro: voces, baixo, ukelele
Cruz Alfonso: teclados
Matías Leiro: guitarra
Bruno Canario: batería e máis
Xacobe Abal: voz e ukelele
Guadi Galego: voz
ENORMES!!


Xa só nos queda mostrarvos videos do concerto. 
Aquí o tedes (case) todo en lista de reproducción:



Tributo a Airas, pt.1


Tributo a Airas, pt.2


Tributo a Airas, pt.3


lunes, 6 de noviembre de 2017

domingo, 5 de noviembre de 2017

Nunes na prensa

O tributo aos Airas mereceu ser hoxe a Foto do día na edición de Arousa de La Voz de Galicia. Aquí tedes as capturas, da edición impresa, e dixital.



O tributo a Airas

A homenaxe de onte aos Airas era un segredo a voces, pero entre todos conseguimos que para os protagonistas fose unha sorpresa ata o final. Foi un enorme currazo de David Falcón, Quique Barreiro, Rubén Arenaz, Noa Castro, Matías Leiro, Cruz Alfonso, Bruno Canario, Xacobe Abal, Alberto Rial e Guadi Galego, sodes moi grandes!!, un concerto fantástico co que nos fixéchedes revivir momentos moi especiais. 
Gracias a todos por vir, compartir todo ese cariño cos Airas, e demostrarlle a Kevi, Carlos, Sito e demáis membros da familia Airas que o seu repertorio segue a ser parte das nosas vidas. E queremos máis...


viernes, 3 de noviembre de 2017

Sáb.4: OS NUNES en sesión vermú

OS NUNES en directo
Sábado 4 Nov. 13:00h.

Este sábado, en sesión vermú, presentamos aos NUNES por primeira vez en directo. Non vos perdades o seu concerto de debut dende as 13:00h. 
Sí, en sesión vermú!! (e esta vez sí, con vermú...)
E ademáis haberá unha presentación de algo moi especial, pero non podemos contarvos máis porque para nós tamén será unha sorpresa.

*apertura 12:30h.


esta noite: Ptooff Vs Escalenux

Esta noite, por fin.... 
Gran combate na nosa cabina: PTOOFF Vs ESCALENUX!! unha sesión de Stoner Psych, convertidos en Dj Mighelito Vs Ghelucha Selektor. 
Como a banda sonora dunha masacre no Muíño da Seca, un auténtico filme de terror no saco de Fefiñáns.


jueves, 2 de noviembre de 2017

Curtis Harding "Face your Fear"

Máis recomendacións, esta de actualidade, o novo disco de Curtis Harding.
No 2014 omezou a súa carreira en solitario firmando un dos debuts máis aplaudidos dos últimos tempos coa colaboración e a produción de Cole Alexander dos Black Lips. Agora chega co segundo traballo, "Face your Fear", nesta ocasión producido por propio Harding, Sam Cohen e Danger Mouse, que últimamente está ata na sopa, pero con enormes resultados. Son once temas nos que se desprende daquel toque garagero e lo-fi que lle imprimía Alexander no seu debut, e todo xira entorno a evolucións do soul máis tradicional e centrado nas melodías, estructuras rhythym'n'blues e altas doses de pop. De mostra maravillas coma 'Wednesday Morning Atonement', a propia 'Face Your Fear', 'Till The End' e o auténtico pelotazo que é 'Need Your Love'.
Cara o final, o lado máis espiritual do álbum.
Un dos discazos do ano, seguro.

CURTIS HARDING "Face your Fear"
(Anti-, 2017)




Wire "Pink Flag"

Máis punk do 77. Uns días despois do lanzamento dos Sex Pistols, veía a luz o "Pink Flag" dos Wire, un dos meus álbumes favoritos, se non o primeiro de todos.  Unha obra mestra de punk na que xa se adiantaba toda a música que viría despois. Moito teño escrito sobre él, e nunca me cansarei de escoitalo. 
Un imprescindible que cumpre 40 anos, e segue soando a fresco.

WIRE "Pînk Flag"
(Harvest, 1977)



Aquí vos deixo a columna 'Gravacións Perdidas' do Fanzine Despregable adicada a este álbum polo seu 30º aniversario (Despregable nº13, 2007)

"...remontámonos 30 anos atrás, Reino Unido, o ano do punk. Marco McLaren e o seu xoguete (Sex Pistols) axitaban a vida musical, cultural (tamén no deseño gráfico), social e política, no ano do xubileo da Raíña Isabel. O escándalo foi tan intenso coma breve, as consecuencias, entre outras, a creación dun estereotipo do PUNK copiado dos Sex Pistols, o cal era tan contrario o punk, que morreu coma movemento coherente case ó día seguinte do debut de Roten e cía. Pero houbo máis... Este álbum de Wire tivo unha nula repercusión entre os seguidores do movemento punk, non se adecuaba a eses clixés, moi pop, moi arrítmico... unha banda de vangarda. Era un álbum extrano. Se o punk reutilizaba as estructuras do rock clásico, Wire conseguían con guitarra-baixo-batería unha rítmica e unhas melodías tan enxeñosas e innovadoras coma simples e incomprensibles no 77. "Pink Flag" e os seus 2 seguintes álbumes [“Chairs Missing” do 78 e "154" do 79] conforman unha triloxía imprescindible na que se introduce a electrónica, secuenciadores, atmosferas obsesivas, ritmos imposibles e todo nunha evolución que vai dende o punk máis básico e primitivo ata o post-punk, o pop, o noise e moitos máis paus. 3 Lps en 3 anos que revolucionaron a música dos 70, e adiantaron a dos 80, a dos 90, e máis alá. O segredo: ser unha banda guitarreira tentando soar a calquera cousa menos a iso. Deste xeito temos ante nós unha banda imprescindible para comprender dende as primixenias bandas de hardcore californiano avaladas por SST (Minutemen é un claro exemplo...), o estoupido brit-pop dos 90 (a rebufo de MADchester), e do revival post-punk (moi directamente en bandas tan boas coma Erase Errata ou Liars). A anécdota estúpida: o grupo Elastica. Nos 90 Wire volveu á palestra mediática por culpa desta ‘orixinal’ banda que se adicou a plaxiar os seus temas: o seu 1º single ‘Strutter’ era un plaxio de ‘I am the Fly’ de Wire, e ‘Connection’ (o seu tema máis coñecido) outro plaxio do ‘Three Girl Rhumba’ deste mesmo álbum que estamos a comentar. A ‘Bandeira Rosa’ de Wire comezaba a facerse demasiado influínte para o mainstream. ‘Ex-Lion Tamer’, ‘Start to Move’, ‘Lowdown’, ‘Field Day for the Sundays’ (os mellores 28 segundos das vosas vidas…) e a fantástica ‘Mannequin’ son algúns dos 21 cortes de álbum, breves e intensos, acelerados ou pausados, melodías e arritmias, punk e pop, todo está neste álbum imprescindible. Se isto non vos fai vibrar é que estades mortos por dentro..."


Sex Pistols "Never Mind the Bollocks"

Esta semana cumpríronse 40 anos do lanzamento do "Never Mind the Bollocks" dos Sex Pistols!!
Máis alá do contexto, e do que supuxo este álbum tanto musical coma culturalmente, unha das grandes anécdotas do seu lanzamento foi o caos das diversas edicións dende o primeiro momento. O tema 'Submission' fora descartado nun inicio, pero a última hora os Pistols insistiron para que se incluíra. O disco xa estaba feito, saída da fábrica, empaquetado e listo para sair o mercado, así o 28 de outubro do 77 lanzouse o lp con 11 temas, ao que a compañía Virgin decidiu engadir un poster da banda e un 7'' con unha soa cara co tema 'Submission'. En novembro do mesmo ano xa estaba lista a segunda edición do álbum, ahí si, cos 12 temas tal e como o coñecemos. O problema é que ao multliplicarse as edicións por todo o planeta, algunhas están feitas sobre os deseños da primeira edición, sen 'Submission' nos créditos nin na contraportada pero sí no álbum, mentres que noutras aparece nos deseños e non está no disco. Cousas do descontrol da industria.
Co aniversario do álbum, non podían deixar pasar a oportunidade de lanzar unha nova reedición expandida ata o infinito. Esta nova edición conta con catro discos, no primeiro o álbum de toda a vida, con doce temas, claro. O máis interesante está no segundo disco, no que se inclúen rarezas de estudio, as demos orixinais mesturadas por Dave Goodman e Chris Thomas, e descartes do momento, pero que logo apareceron en compilacións posteriores. Diferentes mesturas e son moito máis cru, para coleccionistas. O resto, máis do de sempre, outro disco con directos de Noruega e Suecia a finais do 77, e un dvd con clips, concertos e entrevistas en tv.
40 anazos desta locura que nos acompañará para sempre.

SEX PISTOLS "Never Mind the Bollocks"
(Virgin, 1977)




miércoles, 1 de noviembre de 2017

Ven.24: Black Grooves


Ven.17: Trash!


Sab.4: Os NUNES en directo!!

OS NUNES en directo
Sábado 4 Nov. 13:00h.

Este sábado, en sesión vermú, presentamos aos NUNES por primeira vez en directo. Non vos perdades o seu concerto de debut dende as 13:00h. 
Sí, en sesión vermú!! (e esta vez sí, con vermú...)
E ademáis haberá unha presentación de algo moi especial, pero non podemos contarvos máis porque para nós tamén será unha sorpresa.
*apertura 12:30h.

martes, 31 de octubre de 2017

Munstaphá no Bugulú

Esta noite estaremos poñendo discos en Santiago: F**K Halloween!
Munstaphá no Bugulú, con moitas cousas que dan susto.


viernes, 27 de octubre de 2017

Texxcoco 'Lucifernando'

Texxcoco son unha banda de Las Palmas, unha das sensacións do panorama estatal dos últimos meses, con medio pe no garage máis potente, e con outro no post punk máis enérxico. Tras varios temas lanzados online, xa anuncian o lanzamento do seu primeiro álbum para febreiro do 2018 da man de Subterfuge Records. En novembro teremos oportunidade de velos por Galicia, do 16 ao 18 de novembro, en Santiago e Vigo acompañados polos Kings of the Beach. Aquí vos deixamos 'Lucifernando', o seu novo videoclip e tema de adianto do lp


jueves, 26 de octubre de 2017

Outono Códax Festival 2017: PP Arnold

Esta noite comeza o 7º Outono Códax Festival.
Na primeira cita desta edición, o prato forte, con PP Arnold na Sala Capitol.
Se estade en Santiago, non vo-lo perdades!


miércoles, 25 de octubre de 2017

Fats Domino

Antoine Dominique 'Fats' Domino
(1928-2017)



Daniele Luppi & Parquet Courts "Milano"

Nos últimos anos, os Parquet Courts son unha das bandas máis en forma de planeta, alomenos en tóda-las entregas que nos deixan dende o estudio. O seu novo lanzamento é un álbum compartido co compositor italiano Daniele Luppi. 
Luppi é un recoñecido arranxista, productor e compositor, habitualmente adicado ás bandas sonoras, e dende os últimos moi vinculado co BJ Burton dos Danger Mouse. No 2011 lanzaron xuntos un álbum de pop ambiental, "Rome" dos 2011, no que ademáis contaban coas colaboracións de Jack White e Norah Jones. Agora repite un formato semellante, pero con moito mellor resultado, e baixo a escudería de Danger Mouse, 30th Century Records.
En "Milano" acompáñase polos Parquet Courts, e con Karen O (Yeah Yeah Yeahs) como colaboradora convidada. Son 9 temas que funcionan como dous traballos paralelos. Cinco temas nos que os Parquet Court desenrolan temas, digamos, do seu estilo, acompañados por numerosos engadidos de Luppi: 'Soul & Cigarrette', 'Lanza', 'Memphis blues Again' que ben poderían engadir no seu próximo álbum, e a enorme 'Mount Napoleon', do mellor que escoitamos nos últios meses.
Os temas restantes co protagonismo vocal de Karen O, con moitos arranxados para o seu lucimento, contundencia, velocidade, e rítmica post-punk coma en 'Flush' ou 'Pretty Prizes'. Todo conflúe en pezas coma 'Talisa' ou 'The Golden Ones'. De despedida, 'Café Flesh', un exercicio entre o bebop e o post-punk que lembra ao mesmísimo James Chance.
Xa o podedes atopar pola rede en tóda-las plataformas. O seu lanzamento será este mesmo xoves. Un disco totalmente bipolar, pero que é unha marabilla, de tirón ou por separado. Recomendado.


DANIELE LUPPI & PARQUET COURTS + KAREN O "Milano"
(30th Century Records, 2017)



martes, 24 de octubre de 2017

Ptooff "Boom!"

Aínda queda algunha sesión máis sen compartir. 
Aquí tedes case unha hora da sesión de Ptooff do 23 de setembro: Boom!! 
Garage explosivo e psychodelia troglodita. Metédelle volumen.

PTOOFF "Boom!"
(sesión Rif-Rock 23 set.2017)
faite con Ptooff Boom aquí.


lunes, 23 de octubre de 2017

George Young

George Young, The Easybeats
(1946-2017)



Ptooff Vs. Escalenux. 3 de novembro

Máis cambios de datas.
Gran combate na nosa cabina: PTOOFF Vs ESCALENUX!! unha sesión de StonerPsych, convertidos en Dj Mighelito Vs Ghelucha Selektor
Como a banda sonora dunha masacre no Muíño da Seca, un auténtico filme de terror no saco de Fefiñáns... 
Será o Venres 3 de novembro.


sábado, 21 de octubre de 2017

Black Grooves#52

Levabamos varias entregas de Black Grooves sen compartir, a número#50 por que foi unha especie de greatest hits, e a #51 por que non tivemos tempo.
Pero aquí tedes algo máis de unha hora da entrega de onte mesmo da serie Black Grooves, todo con pezas de actualidade. Agora a darlle volume!

Psych.Munstaphà "Fuck'U Whiteys... Black Grooves!!"
(sesión Rif-Rock 20 out.2017)



jueves, 19 de octubre de 2017

Nicole Willis & UMO Jazz Orchestra "My Name Is Nicole Willis"

Máis música negra.
Neste caso que nos chega dende WillWork4Funk. 
Novo álbum de Nicole Willis, unha auténtica todoterreo vocal, dende o soul, pop, trip hop... foi unha da míticas acompañantes de Curtis Mayfield na súa última etapa, e agora, asentada en Finlandia, continúa decididamente a súa carreira como voz principal. O seu álbum do 2015, "Happiness in Every Style" (ver entrada),  acompañada polos Soul Investigators, colouse no noso top 5 das Black Grooves dese ano, e o seu novo traballo leva o mesmo camiño.

Leva por título sinxelamente "My Name is Nicole Willis", e nesta ocasión acompáñase por outra banda finesa, a UMO Jazz Orchestra, unha big band con máis de vinte membros que leva en activo dende 1975, e que ten unha sección de metais que é unha auténtica pasada. Polo medio, o seu inseparable Jimi Tenor, que ademáis de sintetizadores e percusión, encárgase tamén das mesturas e a edición final. E como convidado de luxo o noso admirado Ian Svenonius, que aporta dous temas da súa autoría, e nos que tamén pon a voz principal, facendo a intro para a diva, e o tema final: 'Introducing', e 'The Final Call', dous temas que perfetamente se colarían en calquer álbum dos seus múltiples proxectos. 

Tra-la tremenda introducción estoupa o funk 'Break Free', seguen pezas soul como 'Haunted by the Devil', 'One in a Million' ou 'When we go down', e as melodías máis pop que se coan en 'Togetherness'. Devólvemos ao funk máis enérxico coa divertida '(Everybody) Do the Watusi', o entretempo 'No child denied', para voltar a subir co nothern soul de 'Together we climb' coa súa rítmica orquestral tan pegadiza. Ademáis na edición en cd inclúe o bonus track 'Still got a way to fall', de rítmica enérxica e cun son totalmente actualizado, e un precioso estribillo soul. Todo secuenciado de xeito brillante, e que pasa voando entre a versátil e potente voz de Willis, e enorme banda que a acompaña, guitarras afiadas, rítmica contundente, e esa sección de metais tan potente, sobre todo cando meten os graves. Seguro que vos sorprende.
Un discazo enorme, nós xa o temos entre os mellores do ano.
Un dos imprescindibles do 2017.


NICOLE WILLIS & UMO Jazz Orchestra "My Name Is Nicole Willis"
(Persephone / Herakles Records, 2017)



PP Arnold "The Turning Tide"

Un par de recomendacións antes da fin de semana.
Comezamos con PP Arnold, que ademáis será a principal estrela do Outono Codax Festival deste ano. A comezos de mes lanzou un novo álbum "The Turning Tide", que en realidade é a recuperación de sesións que nunca viran a luz, e que debería ter sido o seu terceiro álbum cara 1969.
Os temas que recolle "The Turning Tide" foron gravados a finais de 1968, coa producción de Eric Clapton e Barry Gibb, e entre os músicos de sesión se atopaban os que posteriormente formarían Derek & The Dominos con Clapton.
Entre os trece temas que recolle este álbum se inclúen versións coma o 'Medicated Goo' de Traffic, 'Brand New Day' de Van Morrison, ou 'You Can't Always Get What You Want' dos Rolling, o resto temas de Gibb e Arnold.
Agora recupera estas gravacións na xira que conmemora os seus 50 anos de carreira. Apuntade a data, 26 de outubro na Sala Capitol de Santiago.
E xa nos anuncia un novo álbum para o 2018.
Ganas tremendas de vela a próxima semana en directo.

PP ARNOLD "The Turning Tide"
(Kundalini Music, 2017)



cambios na programación

Debido ao aidanto da sesión de Ptooff & Escalenux, faremos un pequeno cambio nas sesións dos últimos venres de outubro. A cousa queda así:
· Vernes 20: Black Grooves
· Venres 27: Ptooff Vs Escalenux "StonerPsych"


Ve 27: Ptooff Vs Escalenux

Gran combate na nosa cabina!
PTOOFF Vs ESCALENUX!! unha sesión de StonerPsych, convertidos en Dj Mighelito Vs Ghelucha Selektor. Como a banda sonora dunha masacre no Muíño da Seca, un auténtico filme de terror no saco de Fefiñáns...
Será o Venres 27 de outubro. Animalada.


miércoles, 18 de octubre de 2017

Ven.20: Black Grooves


TIM HOLEHOUSE, o concerto

O sábado pasado, por fin tivemos a Tim Holehouse no Rif-Rock. Levábamos tempo con gañas de traelo, e ao fin tivemos a oportunidade de repetir cos de Ulomanía Coop. Gracias a Bosco dos Family Folks e ao Sheriff Lorre por facelo posible.
Concerto intenso e divertido como poucos que teñamos feito no local, pouco público, pero con moitas gañas de pasalo ben dende o primeiro momento.
Tim ofreceunos hora e vinte cos seus temas en acústico, adiantounos algún do seu próximo álbum, e ofreceunos unha chea historias super tolas con anécdotas das súas xiras polo mundo adiante. Por suposto, para rematar o seu hit 'Long Road to Nowhere'. Un tipo xenial, esperamos telo de volta na súa próxima visita. 

Aquí tedes o concerto completo, para que o desfrutedes outra vez. Moi escuro, pero é o que hai, alomenos escoitase bastante ben.



martes, 17 de octubre de 2017

Tim Holehouse 'Long Road to Nowhere'

Así remataba Tim Holehouse o seu show o sábado pasado. Co seu hit 'Long Road to Nowhere', xa un clásico das nosas vidas. Mañan o concerto completo.


Tim Holehouse en Disco Grande de Radio3

A pasada semana Tim Holehouse estivo con Julio Ruíz, en Disco Grande de Radio3, presentando un tema de adianto do seu novo álbum, e falando das súas xiras interminables. Foi o 10 de outubro, xusto antes do seu paso por Galicia o fin de semana (Vigo, e Cambados no Rif-Rock) en medio do seu tour europeo.

A metade do programa está adicada a Holehouse, dende o minuto 32:30.
Además da entrevista, sonan 'The incident' e 'Body Found' do seu último álbum con The Tourette Boys, e ademáis interpreta en directo 'Prince of the palace' (tributo a Bonnie Prince Billy) e 'Sleep'.
Enlace ao programa Disco Grande do 10 de outubro.
Audio completo descargable directamente aquí.


lunes, 16 de octubre de 2017

Tim Holehouse

Fantástico show que nos ofreceu Tim Holehouse o sábado!! intenso e divertido coma poucos, un luxo telo con nós, un tipo xenial. Thanks Tim, see you soon!! 
E logo a sesión de Jaleo, que acabou compartindo a cabina con Matador Cardalda. Con compis así da gusto!! Gracias a todos. 
**Cambadsooouuu**
Nuns días o concerto completo.





Jaleo & Matador

Logo do show de Tim Holehouse, era o turno de Jaleo na cabina. 
Rematou a noite compartindo a sesión co amigo Matador Cardalda. Cracks!!!


viernes, 13 de octubre de 2017

Sáb.14: TIM HOLEHOUSE & Dj Jaleo!

Planazo para este sábado, un concerto que non vos deberiades perder.

Rif-Rock & Ulomanía presentan:
TIM HOLEHOUSE en directo!!
Sábado 14 de outubro no Rif Rock.
+ Sesión JALEO!!
23:30h. Entrada Libre.

info:
Tim Holehouse comezou tocando en bandas de hardcore e punk de Portsmouth (UK), ata que no 2005 arranca a súa carreira como solista, co lanzamento do seu primeiro álbum Dende entón toma unha dirección cara o blues, o folk e os sons máis primitivos, pero sen abandoar a actitude punk dos seus inicios. Dende entón vive case nunha xira permanente, e polo medio con tempo para lanzar máis de 20 referencias publicadas, entre álbumes, EPs e singles. Os máis recentes son "Hail" (dixital e cassette) e "Kill", un álbum compartido cos xermanos The Tourette Boys, os dous lanzados o pasado agosto.
O ano pasado estivo en Cambados da man dos de Ulomanía Coop. no que foi o seu único concerto en España de toda a tempada. Teremos a oportunidade de velo de novo o próximo sábado 14 no Rif-Rock, dende as 23:30h, e con entrada de balde. 
E para rematar a noite seguirá dende a cabina dj JALEO, que xa hai moito tempo que non nos visita, e seguro que virá con ganas...

http://timholehouse.com/
https://timholehouse.bandcamp.com/


Tim Holehouse no 2016...

Bó momento para lembrar a anterior visita de Tim Holehouse a Cambados.
Foi o 15 de maio do 2016 no Continental, e aquela foi a primeira actividade organizada por Ulomanía Coop. Un día realmente especial.
Se queredes repasalo, aquí tedes o concerto completo:


jueves, 12 de octubre de 2017

Wild Billy Childish And CTMF "Brand New Cage"

Xa había tempo que non vos recomendabamos novos lanzamentos do noso gurú Billy Childish. É difícil seguirlle pista con tanto 7'' e tantas banda paralelas... pero sempre o tentamos.
A semana pasada lanzou novo álbum xunto cos CTMF, e leva por título "Brand New Cage". Son 12 novos temas do seu son máis caracterísitico e acompañado por Wolf Howard na percusión e Julie 'Juju' Hamper ao baixo, e alternando tamén guitarras e voces con Childish. Unha tras outra marca da casa: 'Brand New Cage', a enorme 'You Destabilise Me', 'Are you better than me?', a contida 'Under the blue Montana skies', e a directa 'The Punk is in me (and it had come out)', e os temas nos que Juju Hamper leva a voz cantante 'It's All gone wrong' e 'Bullet Proof'. Ademáis inclúe os dous temas do 7'' de adianto, con 'I've got a conflicted man' e 'In a Parallel World'.
Recomendadísimo, coma sempre


Wild Billy Childish And CTMF "Brand New Cage"
(Damage Goods Records, 2017)



Vibravoid 'Om Gang Ganpataye Namah'


Adianto do novo álbum dos xermanos Vibravoid. Aínda teremos que agardar ata o 17 de novembro para o lanzamento de "Mushroom Mantras" , pero xa nos avanzan o tema 'Om Gang Ganpataye Namah' que abrirá o álbum. Do mellor da psychodelia europea dos últimos anos.


miércoles, 11 de octubre de 2017

Family Folks 'Sea of Whiskey'

A semana pasada, os Family Folks lanzaron novo video clip. O tema escollido é 'Sea os Whiskey', do seu último álbum "All the Lost Causes". 
Foi grabado durante os concertos do ciclo Agosto na Ría navegando pola ría de Vigo. Todo recollido e realizado por Miguel Álvarez.



martes, 10 de octubre de 2017

Novas no Outono Códax Festival 2017

Novidades na 7ª edición do Outono Códax Festival.
A direccion do festival compostelano comunicou hai uns días que tódo-los concertos se trasladarán á Sala Capitol, incluídos os shows dos venres que estaban programados en Riquela, e que seguirán sendo de entrada libre. 

Aquí tedes o programa completo:
26 Out: PP Arnold + Cachas & Cousings 
27 Out: LAR & Freire
3 Nov: Hendrik Röver, Óscar Avendaño & Juanjo Zamorano
4 Nov: Hillbilly Moon Explosion + Daddy Long Legs + Mad Martin Trio
17 Nov: Johnny B. Bad
18 Nov: The Suffers + Sugar Daddie & The Ceral Killers

Entradas e abonos en ticketea.